قازاقستاننىڭ ءتورت وبلىسىندا جولدار جابىلدى
قاراعاندى وبلىسىندا ساعات 20.00 دەن باستاپ اۋا رايىنىڭ ناشارلاۋىنا بايلانىستى (بوران، كوكتايعاق) «قاراعاندى قالاسى - پاۆلودار وبلىسىنىڭ شەكاراسى» (970 -1135 ك م)، «الماتى- ەكاتەرينبۋرگ» تاس جولىنىڭ بولىگىندە (641-1007 ك م) جۇك جانە جولاۋشى اۆتوكولىكتەرىنىڭ قوزعالىسى توقتاتىلدى.
پاۆلودار وبلىسىندا اۋا رايىنىڭ ناشارلاۋىنا بايلانىستى (بوران، كوكتايعاق) « قىزىلوردا- پاۆلودار» ا/ج (1135-1205 كم) قاراعاندى وبلىسىنىڭ شەكاراسىنا دەيىنگى ارالىعىندا جۇك جانە جولاۋشى اۆتوكولىكتەرىنە قوزعالىس توقتاتىلدى.
اقتوبە وبلىسىندا قار جاۋىپ، كوكتايعاق بولۋىنا بايلانىستى «اقتوبە- سولتۇستىك اينالىم» تاس جولىنىڭ بولىگى (0-39 ك م) بارلىق كولىك تۇرلەرى ءۇشىن جابىلدى.
قوستاناي وبلىسىندا «جەزقازعان- پەتروپاۆل» جولىندا (252-340 ك م) بارلىق كولىك تۇرلەرىنە قوزعالىس شەكتەلدى.