تالدىقورعاندا جاڭا اۆتوۆوكزال سالىنادى
اتاپ ايتقاندا، قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 - جىلعا دەيىنگى مەملەكەتتىك باعدارلاماسىن جۇزەگە اسىرۋ اياسىندا تالدىقورعان قالاسىندا اۆتوۆوكزال، كەگەن، باقاناس ەلدى مەكەندەرىندە اۆتوستانسالار، جولاۋشىلارعا قىزمەت كورسەتەتىن 14 پۋنكت، 43 تاكسي تۇراعى سالىناتىن بولادى.
بۇل تۋرالى وبلىس اكىمدىگىنىڭ وتىرىسىندا ءمالىم بولدى.
وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ەرجان جاسىبايەۆتىڭ حابارلاۋىنشا، ارنايى قۇرىلعان كوميسسيا بيىلعى جىلدىڭ اقپان ايىنان بەرى وڭىردەگى 9 اۆتوستانسا مەن قاپشاعاي قالاسىنداعى اۆتوۆوكزالدىڭ ۇلتتىق ستاندارت تالاپتارىنا سايكەستىگىنە تەكسەرۋ جۇرگىزۋدە.
اتالعان جۇمىستار اياقتالىپ، ءتيىستى شارالار قابىلدانعاننان كەيىن ستاندارتقا ساي كەلەتىن جولاۋشىلارعا قىزمەت كورسەتەتىن نىسانداردىڭ سانى ارتاتىن بولادى.