پەتروپاۆلدا ءتىل اكادەمياسى اشىلدى

پەتروپاۆل. قازاقپارات - پەتروپاۆلدا ءتىل اكادەمياسى اشىلدى. مۇنداعى ۇستازدار جاسىنا قاراماستان، ءتىلدى ۇيرەنۋگە نيەت بىلدىرگەن بارلىق جانداردى وقىتادى.

«اكادەميا قىزمەتى «ق ر ءتىل تۋرالى» زاڭىن جۇزەگە اسىرۋعا باعىتتالادى. بۇل قازاق ءتىلىنىڭ عانا ەمەس، شەت تىلدەرىنىڭ دە مەكتەبى.

مۇندا «الاقاي» اتتى بالالار ورتالىعى دا جۇمىس جاسايدى. شەت ءتىلى مەكتەبىندە اعىلشىن، نەمىس، تۇرىك تىلدەرى وقىتىلادى»، - دەيدى « قىزىلجار» قوسىمشا ءبىلىم بەرۋ جانە قىزمەت كورسەتۋ ورتالىعى» ج ش س ديرەكتورىنىڭ ورىنباسارى ءۇمىتجان شىنتەمىروۆا.

سونىمەن قاتار اكادەميا ا ق ش، انگليا، كيپر، كانادا، فرانسيا، تۇركيا ەلدەرىنە ءتىل ۇيرەنۋ كۋرستارىنا بارۋدى ۇيىمداستىرماق.