استانادا نۇرعيسا تىلەنديەۆ اتىنداعى «ءوز ەلىم» فەستيۆالى وتەدى
مادەني شاراعا رەسەي مەن قازاقستاننان كاسىبي ورىنداۋشىلار، دومبىراشىلار مەن ديريجەرلەر جينالادى، دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.
16-35 جاس ارالىعىنداعى تالانتتى ونەرپازدار قاتىساتىن بايقاۋ كلاسسيكالىق ۆوكال (ەرلەر جانە ايەلدەر)، دومبىرا جانە ديريجەرلەر اتالىمدارى بويىنشا 2-اينالىممەن وتەدى.
بايقاۋعا مۋزىكا الەمىندەگى تانىمال ماماندار مەن كورنەكتى مادەنيەت قايراتكەرلەرىنەن قۇرالعان بىلىكتى قازىلار القاسى تورەلىك ەتەدى.
فەستيۆال 30 - ناۋرىزدا استاناداعى قازاق ۇلتتىق ونەر ۋنيۆەرسيتەتىنىڭ «شابىت» سارايىندا جانە كونگرەسس- حولل كونتسەرت زالدارىندا باستالادى. ەكىنشى اينالىم 31 - ناۋرىز كۇنى بولادى.
مۋزىكالىق بايقاۋدىڭ قاتىسۋشىلارى باس جۇلدە - استانا قالاسى اكىمىنىڭ كۋبوگىن ساراپقا سالادى. سونداي-اق «گران- پري» جانە «فەستيۆال لاۋرەاتى» جۇلدەلەرى بەرىلەدى، ودان باسقا ءبىرىنشى، ەكىنشى جانە ءۇشىنشى ورىندار، سونداي- اق اتاۋلى مەدالدار تابىس ەتىلەدى.
شارا 1 - ءساۋىر كۇنى كونگرەسس- حوللدا مۋزىكالىق فەستيۆالدىڭ قازىلار القاسىنىڭ مۇشەلەرىنىڭ جانە لاۋرەاتتارىنىڭ قاتىسۋىمەن بولاتىن گالا- كونسەرتپەن اياقتالادى.