نۇرلى جول: وسكەمەندە ەنەرگەتيكالىق ينفراقۇرىلىمدى قۇرۋ بويىنشا ءىرى جوبا جۇزەگە اسىرىلادى
جوبانىڭ جۇزەگە اسىرىلۋى «نۇرلى جول - بولاشاققا باستار جول» جاڭا ەكونوميكالىق ساياساتىنىڭ مىندەتتەرىمەن ۇيلەسەدى.
جوعارى ۆولتتى جەلىنىڭ تارتىلۋى سولتۇستىك جانە شىعىس قازاقستان وڭىرلەرىن بايلانىستىرىپ، ولاردىڭ ونەركاسىپتىڭ دامۋ مۇمكىندىكتەرىن ارتتىرادى.
ۇزىندىعى 705 شاقىرىم، قۇنى 45 ميلليارد تەڭگە بولاتىن 500 ك ۆ «ەكىباستۇز- سەمەي- وسكەمەن» جوعارى ۆولتتى جەلىنى سالۋ 8 كەزەڭمەن جۇزەگە اسىرىلادى.
ونىڭ ءبىرى ەكىباستۇزدان سەمەيگە، ودان سوڭ سەمەيدەن وسكەمەنگە، سوسىن سەمەي- ءشۇلبى گەس ت. س. س. جوعارى ۆولتتى جەلىنى سالۋ بولىپ تابىلادى.
جەلى قۇرىلىسىنا «كەگوك» ا ق جەتەكشىلىك ەتەدى.
سولتۇستىك- شىعىس جەلىسىنىڭ 705 شاقىرىمى (ەكىباستۇز- سەمەي- وسكەمەن) «سەمەي- اقتوبە- تالدىقورعان- الماتى» جەلىسىمەن جالعاسادى. جالپى العاندا، ەلىمىزدىڭ ەنەرگەتيكتەرى 1500 شاقىرىم جوعارى ۆولتتى جەلى تارتىپ، جاڭا ءۇش شاعىن ستانسا سالادى، قازىرگى بار قۋاتتاردى جاڭارتادى.