جامبىل وبلىسىندا قازاقستانداعى بىردەن-ءبىر قۋاتتى حيميالىق كلاستەر داميتىن بولادى - ن. نازاربايەۆ
«مۇندا فوسفوريت كەنىشتەرى ەسەبىنەن جۇمىس ىستەيتىن قازاقستانداعى بىردەن-ءبىر قۋاتتى حيميالىق كلاستەر داميتىن بولادى، - دەدى مەملەكەت باسشىسى ن. نازاربايەۆ. - جامبىل وبلىسىندا «قازفوسفات» دامىپ وتىر. رەسەيلىك «ەۋروحيم» كومپانياسىن شاقىردىق. شۋ اۋدانىندا حيميالىق پارك دامىتىلاتىن بولادى. ەكونوميكانىڭ وسى سەگمەنتى ءۇشىن بىزگە ينجەنەر-حيميكتەر، بىلىكتى جۇمىسشىلار قاجەت».
ق ر پرەزيدەنتى قازاقستاننىڭ ءارتۇرلى وڭىرلەرىندە بۇگىندە سول ايماقتاردىڭ ونەركاسىپ وندىرىستەرى ءۇشىن قاجەتتى بەلگىلى ءبىر جۇمىسشى ماماندىقتارى دامىپ وتىرعانىن اتاپ ءوتتى.
«بۇل كوللەدجدى مەملەكەت سىزدەر ارقىلى حيميا سالاسىنىڭ ماماندارىن دايارلاۋ ءۇشىن سالدى. ەلگە ءوندىرۋشى، سونداي-اق وڭدەۋ كاسىپورىنداردا جۇمىس جاساي الاتىن ينجەنەر-حيميكتەر، بىلىكتى كادرلار قاجەت. كوللەدجدەر مەنىڭ نۇسقاۋىممەن بۇكىل قازاقستان بويىنشا قۇرىلىپ جاتىر، يندۋستريالىق باعدارلامانى كادرلارمەن قامتاماسىز ەتۋ ءۇشىن 9 ۋنيۆەرسيتەت تاڭدالىپ الىندى. ەگەر وسى زاۋىتتا جۇمىس جاسايتىن ادامدار بولماسا، زاۋىت قالاي جۇمىس جاسايدى. وسىنداي كوللەدجدە ماماندىق الىپ، ەرتەڭ-اق جاس ادامدار قازاقستاننىڭ بارلىق تۇپكىرىندە جۇمىس جاساي الاتىن بولادى. وقىڭىزدار، سىزدەرگە ۇلكەن تابىستار تىلەيمىن!»، - دەپ ءسوزىن ءتۇيدى ن. نازاربايەۆ.
مەملەكەت باسشىسى ن. نازاربايەۆ جامبىل وبلىسىندا جۇمىس ساپارىندا بولىپ، بۇگىن قازاقستان حالقى اسسامبلەياسىنىڭ 20 جىلدىعىنا ورايلاستىرىلعان فورۋمعا قاتىستى.