ن. نازاربايەۆ تارازداعى كارديوحيرۋرگيا جانە ترانسپلانتولوگيا عىلىمي-كلينيكالىق ورتالىعىندا بولدى
مەملەكەت باسشىسى سونداي-اق عىلىمي-كلينيكالىق ورتالىقتى ارالاپ، مەكەمە ۇجىمىمەن اڭگىمەلەستى.
ورتالىقتىڭ جاڭا عيماراتى وسى مەكەمەنىڭ ءوز قاراجاتىنا بەس جىل ىشىندە تۇرعىزىلدى. عىلىمي-كلينيكالىق ورتالىقتىڭ 7 بولىمشەسى، وتا جاسايتىن بولمەلەرى، زاماناۋي قۇرىلعىلارمەن جابدىقتالعان جان ساقتاۋ ءبولىمى، جايلى پالاتالارى بار. مۇندا جۇرەككە جاسالاتىن وتانىڭ بارلىق ءتۇرىن قامتيتىن كەڭ اۋقىمدى قىزمەت كورسەتىلەدى. بۇل مەكەمە سونداي-اق ەلدەگى كوپتەگەن مەديتسينالىق وقۋ ورىندارى ءۇشىن كارديوحيرۋرگيا، كارديوانەستەزيولوگيا جانە جان ساقتاۋ سالالارى بويىنشا ماماندار دايارلاۋعا ارنالعان كلينيكالىق بازا قىزمەتىن اتقارادى.
جامبىل وبلىسىنىڭ تۇرعىندارى ءۇشىن 2013-جىلدان بەرى تەگىن مەديتسينالىق كومەك كورسەتىلەدى. وزگە وڭىرلەردىڭ تۇرعىندارى تەگىن كومەكتى گوسپيتالداۋ بيۋروسىنىڭ پورتالى ارقىلى الۋىنا بولادى. بۇگىندە كونسۋلتاتيۆتىك-ەمدىك كومەك الۋ ءۇشىن ازاماتتار ەلدىڭ باسقا وڭىرلەرىنەن، سونداي-اق وزبەكستان مەن قىرعىزستاننان كەلىپ، وسى ورتالىق قىزمەتىنە جۇگىنۋدە.