ۇ ق ك شەكارا قىزمەتىنىڭ بۇرىنعى باسشىسى جولامانوۆ سوت شەشىمىنە قارسىلىق كەلتىرىپ جاتىر
نۇرلان جولامانوۆتىڭ ادۆوكاتى ماعاۋيا ەلەمەسوۆتىڭ ايتۋىنشا، سوتتالۋشى مەن ونىڭ ءۇش ادۆوكاتىنىڭ اتىنان رەسپۋبليكالىق اسكەري سوتتىڭ اپەللياتسيالىق القاسىنا شاعىم جىبەرىلدى.
«ءاربىر ينستانسيا ۇكىمدى وزگەرتىپ، شەشىم شىعارا الادى. كۇتەمىز»، - دەدى قورعاۋشىلاردىڭ ءبىرى ماعاۋيا ەلەمەسوۆ «جولامانوۆ پەن ونىڭ قورعاۋشىلارى ءبىرىنشى يستانسيانىڭ ۇكىمىن وزگەرتۋگە سەنىپ وتىر ما؟» دەگەن سۇراققا جاۋاپ بەرۋ كەزىندە.
ادۆوكاتتىڭ ايتۋىنشا، ونىڭ ارىپتەستەرى مەن نۇرلان جولامانوۆ قازىرگى ۋاقىتتا سوت وتىرىسىنىڭ حاتتاماسىن زەرتتەپ جاتىر.
ەسكە سالا كەتەيىك، وسى جىلدىڭ 6 - ناۋرىزىندا استانانىڭ قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ سۋدياسى جولامانوۆتى پارا الۋ جانە ۇيىمداسقان قىلمىستىق توپ قۇرۋ بويىنشا ايىپتى دەپ تاپقان بولاتىن.
وعان مۇلكىن تاركىلەۋمەن، مەملەكەتتىك قىزمەتتەگى لاۋازىمدى اتقارۋ قۇقىعىنان ءومىر بويىنا ايىرۋمەن بىرگە قاتاڭ رەجيمدەگى كولونياعا 11 جىلعا باس بوستاندىعىنان ايىرۋ جازاسى كەسىلگەن ەدى.