ءبىر ورىندا ۇزاق وتىرىپ جۇمىس جاساۋ زياندى - دارىگەرلەر
بريتانيالىق مامانداردىڭ سوزدەرىنە قاراعاندا، كەڭسە قىزمەتكەرلەرى تىم كوپ ۋاقىت بويى وتىرىپ جۇمىس ىستەيدى.
بۇل دەنساۋلىققا كەرى اسەرىن تيگىزىپ، ارتىق سالماقتىڭ تۋۋىنا جول بەرەدى. سوندىقتان جينالىستاردا قىزمەتكەرلەر وتىرماۋى ءتيىس. ەگەر كەزدەسۋ كەڭسەدەن تىس بولسا، قىزمەتكەر كەزدەسۋ ورنىنا جاياۋ نەمەسە ۆەلوسيپەد كومەگىمەن جەتكەنى ابزال.
ستاتيستيكاعا سۇيەنسەك، قوزعالىس بەلسەندىلىگىنىڭ قالىپتى دەڭگەيى بريتانيادا جىلىنا 37 مىڭ ۋاقىتتان بۇرىن ءولىمنىڭ الدىن الۋعا قاۋقارلى.
سونداي-اق مەديتسينا وكىلدەرى جۇمىستا تەمەكى شەگەتىن قىزمەتكەرلەردى جازالاۋدى ۇسىندى. ال مەكتەپتە بالالارعا الكوگولدىڭ زيانى تۋرالى اقپاراتتى دۇرىس جەتكىزۋگە كەڭەس بەردى. دارىگەرلەردىڭ بۇل باستامالارى سىنعا ىلىگىپ ۇلگەردى. ويتكەنى قىزمەتكەردى «تەرىس قىلىعى» ءۇشىن جازالاۋعا بولمايدى.