اقتوبەلىك جاس سۋرەتشى دۋباي شەيحىن ونەرىمەن ءتانتى ەتتى
بايقاۋ 18-22 - ناۋرىز ارالىعىندا ءوتىپ، جاس ەرەكشەلىكتەرىنە قاراي بىرنەشە توپقا ءبولىندى. ولار مەكتەپكە دەيىنگى (6 جاسقا دەيىن)؛ كىشى (7-9)؛ ورتا (10-13)؛ ۇلكەن (14-17)؛ جاستار (18-21)؛ كاسىبي (22-25) توپتار. الايدا قازىلار القاسىنىڭ شەشىمىمەن سەرىكتاي مارسەل جالپى توپتا ونەر كورسەتتى.
فەستيۆال- بايقاۋ 2 كەزەڭدە ءوتتى. جاس دارىننىڭ اناسىنىڭ ايتۋىنشا، ءبىرىنشى كەزەڭ ۇپاي جۇيەسى بويىنشا باعالاعان. ەكىنشى كەزەڭدە قاتىسۋشىلارعا باستاپقى اسەرلەرىن قاعازعا ءتۇسىرۋ ءۇشىن 2 ساعات ۋاقىت بەرىلدى. مارسەل بۇل ۋاقىتتا 2 كارتينا سالىپ ۇلگەردى. ونىڭ تالانتىنا تاڭعالعان گالەرەيا يەسى قوناققا شاقىردى. كەيىن شەيح سەرىكتاي مارسەلگە ەكى تىلدە جازىلعان ەنتسيكلوپەديانى سىيعا تارتتى.
مارسەلدىڭ اناسى ايتقانداي، جاس سۋرەتشىلەردىڭ جولعا جانە وزگە ەلدە تۇرۋىنا كەتكەن شىعىنىن شەيح تولەيدى. ءوز كەزەگىندە ونەرپازدار رەزيدەنسيادا سالعان ەڭبەكتەرىن شەيحقا قالدىرادى.