عالىمدار اققۇمىرسقالاردىڭ شەكتەن تىس كوبەيۋىنە الاڭداۋلى

استانا. قازاقپارات - اققۇمىرسقالار ادامزاتتى جىل سايىن 40 ميلليارد دوللار شىعىنعا باتىرادى.

زەرتتەۋلەرگە سايكەس، اققۇمىرسقانىڭ ەكى ءتۇرى بۋدانداسقان كەزدە ولاردىڭ كوبەيۋى الدەقايدا تەز جۇرەدى.

بۇل جاندىكتەردىڭ ينۆازيۆتى دەپ اتالاتىن جاڭا ءتۇرى ا ق ش-تىڭ فلوريدا شتاتىندا پايدا بولعان.

زەرتتەۋشىلەردىڭ مالىمەتىنشە، بۇعان ادامزاتتىڭ قورشاعان ورتانى لاستاۋى سەبەپ بولىپتى. سونىڭ سالدارىنان وسى جاندىكتەردىڭ ءوزارا قيىلىسۋى جيىلەپ، ازيالىق دەپ اتالاتىن ەركەك تەرميتتەر وزگە ءتۇردىڭ ۇرعاشى اققۇمىرسقالارىمەن بۋدانداساتىن بولعان.

اققۇمىرسقالاردىڭ ناقتى قانشا ەسەگە دەيىن كوبەيگەنىن انىقتاۋ ءۇشىن ۋاقىت كەرەك. ءبىراق ەگەر ولاردىڭ شەكتەن تىس كوبەيۋى توقتاماسا، ادامزات ءۇشىن قازىرگىدەن دە ارتىق زيان كەلتىرۋى مۇمكىن ەكەن. ولار نەگىزىنەن سەلليۋلوزامەن قورەكتەنىپ، اعاشتان جاسالعان كەز كەلگەن ءونىمدى تۇگىن قالدىرماستان كەمىرىپ تاستايدى.

www.24.kz