ۆولەيبول: ەرلەر اراسىندا ەل بىرىنشىلىگىنىڭ جۇلدەگەرلەرى بەلگىلى بولدى

استانا. قازاقپارات - پاۆلودار قالاسىندا ۆولەيبولدان ەرلەردىڭ ۇلتتىق ليگا كوماندالارى اراسىندا ەل بىرىنشىلىگىنىڭ سوڭعى، ءتورتىنشى تۋرى مارەگە جەتتى.

قازاقستان ۆولەيبول فەدەراتسياسىنىڭ سايتىنان الىنعان مالىمەتكە قاراعاندا، وسى تۋردا 11، چەمپيونات قورىتىندىسىندا بارلىعى 75 ۇپاي جيناعان «تاراز» كومانداسى جەڭىمپاز اتانسا، «پاۆلودار» 55 ۇپايمەن كۇمىس جۇلدەگە قول جەتكىزدى.

اتىراۋلىقتار بۇل تۋردى اسا ءساتسىز وتكىزسە دە، 43 ۇپايمەن ءۇشىنشى ورىنعا كوتەرىلدى. وتكەن جىلعى ەل چەمپيونى «الماتى» اتىراۋلىقتاردان ءبىر عانا ۇپايعا كەيىن قالىپ، ءتورتىنشى ورىندى مىسە تۇتتى. حرومتاۋدىڭ «ت ن ك «كازحروم» كومانداسى بەسىنشى ساتىعا تۇراقتاسا، ورالدىڭ «كوندەنسات- جايىقمۇنايى» مەن وسكەمەننىڭ «شىعىس قورعاسىن قۇرىلىسى» التىنشى، جەتىنشى ورىنداردى ءبولىستى. ال پەتروپاۆلدىڭ «ەسىلى» كوش سوڭىندا قالدى. سوڭعى تۋردا ورالدىقتار پاۆلودارلىقتار مەن الماتىلىقتاردى ۇتقانمەن، ەسەسىنە «شىعىس» پەن «تارازدان» ۇتىلىپ قالدى.

اۆتور: ەلجان ەرالى