س. ماحانكو قازاقستاننىڭ قول كۇرەستەن بويىنشا ءۇش دۇركىن چەمپيونى اتاندى
الماتىدا وتكەن ەلدىڭ ەڭ مىقتى قول كۇرەسى بالۋاندارىنىڭ بىرىنشىلىگىنە جاسوسپىرىمدەر، جاستار، ارداگەرلەر، سونداي-اق مۇمكىندىگى شەكتەۋلى اتلەتتەرىنىڭ اراسىندا كوشباسشىلىققا تالاسقان 400 گە جۋىق سپورتشى قاتىستى.
وندا اقسۋ قالاسىنىڭ اتلەتى، «قازحروم» ت ۇ ك ا ق- نىڭ اقسۋ فەرروقورىتپالار زاۋىتىنىڭ ەنەرگيالىق جوندەۋ سەحىنىڭ جۇمىسشىسى سەرگەي ماحانكو دا باعىن سىنادى. ۇزبەي جاتتىعۋ، جەڭىسكە دەگەن ۇمتىلىس رەسپۋبليكالىق بىرىنشىلىكتەردىڭ تالاي رەت چەمپيونى مەن جۇلدەگەرىنە ارداگەرلەردىڭ «60 جاستاعىلار جانە ودان جوعارىداعىلاردىڭ» قۇرمەتتى توبىندا ەڭ ۇزدىك سپورتشى اتاعىن اپەردى.
سەرگەي پەتروۆيچتىڭ سپورتتىڭ بۇل تۇرىمەن اينالىسقانىنا كوپ جىل بولدى.
«سپورتتىڭ بۇل ءتۇرى ءۇشىن ۇلكەن الاڭدار، قىمبات قۇرالدار قاجەت ەمەس، وعان قاراجات تا كوپ كەتپەيدى، بۇل رەتتە ول سپورتتىڭ وتە قۇمار، قىزىقتى ءارى ايگىلى ءتۇرى بولىپ تابىلادى. وعان سپورتشىلاردىڭ كوپتەپ قاتىساتىن جارىستار دالەل. اتلەتتەردىڭ سانى ۇنەمى كوبەيىپ تۇرادى، سوڭعى جىلدارى وڭىرلەردىڭ قۇرامالارى ايتارلىقتاي جاڭارا ءتۇستى. جاستار دا ارمرەستلينگكە قىزىعۋشىلىعىن تانىتۋدا»، - دەپ اتاپ ءوتتى سپورت ارداگەرى.
ەگدە جاستاعى سپورتشى بيىلعى جىلدىڭ كۇزىندە وتەتىن الەم جانە ازيا چەمپيوناتتارىندا ۇلتتىق قۇرامانىڭ اتىنان شىعۋ قۇقىعىنا يە بولدى.