قىتايدىڭ حاينان ارالىندا قازاقستاندىق ازامات قازا تاپتى
19:01, 26 - ناۋرىز 2015
استانا. قازاقپارات - ق ر س ءى م 21 - ناۋرىز كۇنى حاينان ارالىندا (قىتاي) جول-كولىك وقيعاسىنا ۇشىراعان 1990 - جىلعى ق ر ازاماتى ارتۋر ابسالياموۆتىڭ قازاسىنا قاتىستى تۇسىنىكتەمە بەردى.
«قازىرگى ۋاقىتتا ق ر ەلشىلىگى قىزمەتكەرلەرى حاينان ارالىندا قازا تاپقان ق ر ازاماتىنىڭ ءمايىتىن ەلىمىزگە جەتكىزۋ ءۇشىن قاجەتتى قۇجاتتاردى راسىمدەۋگە كومەك كورسەتۋدە»، دەلىنگەن حابارلامادا.
سىرتقى ساياسات ۆەدومستۆوسى ا. ابسالياموۆتىڭ وتباسى مەن تۋعان-تۋىستارىنا كوڭىل ايتتى.
مارقۇمنىڭ مۇردەسىن قازاقستانعا جەتكىزۋ شىعىندارىن ءوزى جۇمىس ىستەگەن كومپانيا مىندەتىنە الدى.