«شاتىركول كەنىشىندە جۇمىس ىستەگەن ۇڭگۋشىنىڭ اياق استىنان قايتىس بولۋىنىڭ سەبەبى انىقتالدى. مەديتسينالىق ساراپتاما جۇمىسشىنىڭ ءولىمى وندىرىسكە تىكەلەي بايلانىستى ەمەس، جۇرەك تالماسىنىڭ سالدارىنان بولعان دەگەن قورىتىندى شىعاردى»، دەلىنگەن حابارلامادا.
قازاقمىستىڭ باسشىلىعى مەن ەڭبەك ۇجىمى ۇڭگۋشىنىڭ تۋىستارى مەن جاقىندارىنىڭ قايعىسىنا ورتاقتاسىپ، كوڭىل ايتتى.
بۇعان دەيىن، 23 - ناۋرىزدا «بالقاشتۇستىمەت» ءو ب-نىڭ شاتىركول كەنىشىندە 56 جاستاعى ۇڭگۋشى قازا تاپقانى حابارلانعان.
اۋىسىم اراسىنداعى دەمالىس كەزىندە ۇڭگۋشىنىڭ دەنساۋلىعى كەنەتتەن سىر بەرگەن. وعان العاشقى مەديتسينالىق كومەك كورسەتىلگەنىمەن، دارىگەرلەر اجالعا اراشا تۇسە المادى.
بۇل وقيعانى انىقتاۋ ءۇشىن وندىرىستە ارنايى كوميسسيا قۇرىلدى.