ولار «ليتەر» گازەتىنىڭ رەداكسياسىنان كوپشىلىك الدىندا كەشىرىم سۇرادى.
اكادەميانىڭ ستۋدەنتتەرى بۇل باسىلىمنىڭ فوتوگرافىن 20 - ناۋرىزدا مەكەمەدە شىققان ءورت كەزىندە ۇرىپ تاستاعان ەدى.
فوتوگراف ستۋدەنتتەردىڭ ءتىلشى قىزداردى اكادەميا تەرريتورياسىنان شىعارىپ تاستاپ جاتقان كەزدە ولاردى قورعاعىسى كەلگەن ەدى.
تىلشىلەرگە جاسالعان شابۋىلدان كەيىن «ليتەر» جانە Tengrinews.kz رەداكسياسى پوليتسياعا ارىز جازعان بولاتىن. اكادەميا ستۋدەنتتەرى Tengrinews.kz قىزمەتكەرىن قۇلاتتى.
وقيعادان كەيىن ءبىلىم بەرۋ مەكەمەسىنىڭ رەكتورى بيبىگۇل ءنۇسىپجانوۆا اكىمدىككە شاقىرىلدى. ب ا ق وكىلدەرىنىڭ قاتىسۋىمەن وتكەن كەزدەسۋدە ىشكى ساياسات باسقارماسىنىڭ باسشىسى سانجار بوقايەۆ وقيعاعا كىنالى ادامداردىڭ كوپشىلىك الدىندا كەشىرىم سۇراۋىن تالاپ ەتتى.
ەسكە سالايىق، ب ا ق قىزمەتكەرلەرى 20 - ناۋرىزدا جوعارعى وقۋ ورنىندا شىققان ءورت تۋرالى حابار تاراتۋعا بارعان بولاتىن. تىلشىلەر ءبىلىم بەرۋ مەكەمەسىنىڭ باسشىلىعىنان پىكىر الۋعا بىرنەشە رەت تالپىنىپ كورگەن ەدى. ءبىراق ءبىلىم بەرۋ مەكەمەسىنىڭ قىزمەتكەرلەرى جاۋاپ بەرۋدەن باس تارتتى. مۇنىڭ ورنىنا دەكان مەن بىرنەشە جاس جىگىت تىلشىلەردەن اكادەميا اۋماعىنان كەتۋىن تالاپ ەتتى.
ايتا كەتەيىك، ورتەنگەن عيماراتتىڭ اۋماعى قورشاۋعا الىنباعان ەدى جانە وقيعا ورنىنداعى ازاماتتاردىڭ بارلىعى دا عيماراتقا جاقىنداۋعا مۇمكىندىگى بولدى. جاس جىگىتتەر تىلشىلەردى يتەرە باستادى.
بۇدان كەيىن Tengrinews.kz ءتىلشىسى زاڭعا قايشى ارەكەتتەردى تىركەگىسى كەلدى، وعان دا شابۋىل جاسالدى. بىرنەشە جىگىت ءتىلشىنى جەرگە جىقتى. مۇنىمەن قاتار، ولار ءتىلشى قىزداردى دا يتەرىپ تاستادى. تىلشىلەرگە جاسالعان شابۋىلدى كورىپ تۇرعان ءتارتىپ ساقشىلارى ارەكەتسىزدىك تانىتتى.
20 - ناۋرىزدا كۇننىڭ ەكىنشى جارتىسىندا الماتىداعى تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ عيماراتىنان ءورت شىققان بولاتىن. كينورەجيسسۋرا فاكۋلتەتى ورنالاسقان عيماراتتىڭ ءتورتىنشى قاباتى ورتەنگەن.
ستۋدەنتتەردىڭ سوزىنە قاراعاندا، بۇگىن ساباق بولماعان، ءبىراق ناۋرىز مەيرامى اتالىپ وتكەندىكتەن، ولار عيماراتتىڭ ىشىندە بولعان. ايتا كەتەيىك، ءورت شىققان جەرگە جەتۋ ءۇشىن ءورت ءسوندىرۋ كولىگىنە جارناما بيلبوردى كەدەرگى كەلتىردى. تەحنيكانى وتكىزىپ جىبەرۋ ءۇشىن اكادەميا قىزمەتكەرلەرىنە كونسترۋكتسيانى قۇلاتۋعا تۋرا كەلدى.
الدىن الا مالىمەت بويىنشا، ءورت ەلەكتر سىمدارىنىڭ قىسقا تۇيىقتالۋىنان شىققان. ال بۇدان كەيىن جۇرگەنوۆ اتىنداعى ونەر اكادەمياسىندا شىققان ءورتتىڭ اۋىزدىقتالعانى حابارلاندى.