ريو وليمپياداسىنىڭ كۇنتىزبەسى شىقتى
الەمنىڭ كىل مىقتى سپورتشىلارىن جينايتىن ءتورتجىلدىقتىڭ باستى دوداسىنىڭ اشىلۋ سالتاناتى 2016-جىلدىڭ 5-تامىزىندا ايگىلى «ماراكانا» ستاديونىندا وتەدى. وليمپيادا ويىندارىنىڭ ۇيىمداستىرۋشىلارى تاراتقان مالىمەت بويىنشا، دودانىڭ جابىلۋ شاراسى 21-تامىز كۇنى ءدال ستاديوندا وتەدى ەكەن.
نەگىزگى سپورتتىق باسەكەلەر 6-تامىزدان باستالادى. بۇل كۇنى قازاق جانكۇيەرلەرى اسىعا كۇتىپ جۇرگەن بوكس، دزيۋدو، كانوەمەن ەسكەك ەسۋ، ۆەلوسپورتشىلار ىرىكتەۋ كەزەڭىن باستاسا، زىلتەمىرشىلەر جەڭىل سالماقتاعى ءبىرىنشى جۇلدە ءۇشىن تالاسادى.
ال، بالۋاندار وليمپيادا ويىندارىنىڭ ەكىنشى اپتاسىندا بوز كىلەمگە كوتەرىلەدى. تارقاتىپ ايتساق، گرەك-ريم كۇرەسىنىڭ شەبەرلەرى 14- جانە 16-تامىز ارالىعىندا بەلدەسسە، ايەلدەر جانە ەركىن كۇرەس شەبەرلەرى 17- جانە 21-تامىز ارالىعىندا سىنعا تۇسەدى.
ХХХІ جازعى وليمپيادا ويىندارىندا 306 مەدال جيىنتىعى ساراپقا سالىنادى. بۇل ويىندارعا الەمنىڭ 205 تەن اسا ەلدەردەن سپورتشىلار كەلەدى دەپ كۇتىلۋدە.