يەمەن پرەزيدەنتى ەلىن تاستاپ قاشىپ كەتتى
سۇننيتتىك اعىمنىڭ وكىلى ءابد راببۋ مانسۇر حاديدىڭ قازىر قايدا ەكەنى بەلگىسىز. شيىتتىك بۇلىكشىلەر مەملەكەت باسشىسىن ۇستاپ اكەلگەن ادامعا 100 مىڭ دوللار سىياقى تاعايىنداعان.
حوۋسيتتەر ۇكىمەت اسكەرىنىڭ «ءال-اناد» اۋە بازاسىن باسىپ الىپ، ونداعى بارلىق قارۋ-جاراقتى تۇگەلىمەن الىپ كەتكەن.
ەستەرىڭىزگە سالا كەتەيىك، 22- ناۋرىزدا حوۋسيتتىك بۇلىكشىلەر وسى ەلدەگى ءۇشىنشى ءىرى قالا - تايدى جاۋلاپ العان بولاتىن. ولاردىڭ ەندىگى باعىتى - ادەن قالاسى.
يەمەن بيلىگى ب ۇ ۇ- نىڭ قاۋىپسىزدىك كەڭەسىنەن باسقا سىرتقى ەلدەردىڭ اسكەري كومەك بەرۋىن سۇراپ وتىر.
«ءبىز سىرتقى اسكەري كۇشتەردىڭ شۇعىل ارالاسۋىن سۇرايمىز. سەبەبى كونستيتۋتسيالىق زاڭعا يە ۇكىمەتتىڭ باسىنا كۇن تۋىپ تۇر. يەمەن حالقى قان توگىلگەنىن قالامايدى»، - دەيدى يەمەننىڭ سىرتقى ىستەر ءمينيسترى رياد ياسين.
news.nur.kz