فرانسيادا اپاتقا ۇشىراعان ۇشاقتىڭ ۇشقىشى اپات الدىندا كابينادان شىعىپ، قايتا كىرە الماي قالعان

استانا. قازاقپارات - سەيسەنبى كۇنى فرانسيادا اپاتقا ۇشىراعان Germanwings كومپانياسى ۇشاعىنىڭ ۇشقىشى ۇشاق قۇلار الدىندا ۇشقىشتار كابيناسىنان شىعىپ، وعان قايتا كىرە الماعان، دەپ حابارلادى ر ي ا نوۆوستي New York Times گازەتىنە سىلتەمە جاساپ.

باسىلىم تەرگەۋگە قاتىسقانداردىڭ ءبىرىنىڭ ءسوزىن كەلتىرگەن. ول «قارا جاشىكتەن» تابىلعان اقپاراتتارعا سىلتەمە جاساعان. «سىرتتا تۇرعان ادام ەسىكتى ءسال قاققان. الايدا جاۋاپ المادى. كەيىن قاتتىراق سوقتى. الايدا جاۋاپسىز»، - دەيدى مامان.

ونىڭ سوزىنە قاراعاندا، جازبا بويىنشا ۇشقىشتىڭ ەسىكتى سىندىرۋعا ارەكەت جاساعانىن بايقاۋعا بولادى.

الايدا Lufthansa اۋەكومپانياسى بۇل اقپاراتتى ازىرگە راستاي المايتىنىن حابارلادى.

Germanwings اۋەكومپانياسىنىڭ Airbus A320 ۇشاعى سەيسەنبى كۇنى اپاتقا ۇشىراعان. سالدارىنان 150 ادام قازا تاپتى.