ىزگى ءىس پەن تاتۋلىقتىڭ تايقازانى اقتاۋدان اتىراۋعا تابىس ەتىلدى - فوتو
تۇركىستاننان شىققان تاتۋلىق، بىرلىكتىڭ تايقازانى بىرنەشە وبلىستاردى ارالاپ، وڭتۇستىك قازاقستاننان ماڭعىستاۋعا كەلىپ، ەندى اتىراۋعا جول تارتتى. سالتاناتتى تابىستاۋ ءراسىمى «رەنەسسانس» قوناق ۇيىندە ءوتتى. وعان ماڭعىستاۋ وبلىسى اكىمىنىڭ ورىنباسارلارى راقىمبەك ءامىرجانوۆ پەن بانۋ نۇرعازيەۆا، اتىراۋ وبلىسى اكىمىنىڭ ورىنباسارى شىڭعىس مۇقان، ايماقتاعى ەتنو-مادەني بىرلەستىكتەردىڭ باسشىلارى مەن ماڭعىستاۋ وبلىسى اكىمى اپپاراتىنىڭ «دوستىق ءۇيى» مەكەمەسىنىڭ ماماندارى قاتىستى.
«ولكەمىزگە جەتكىزىلگەن جادىگەردىڭ كوشىرمەسى 21- ناۋرىزدا مۇنايلى، قاراقيا اۋداندارىندا بولسا، 22- ناۋرىز كۇنى - ناۋرىز تويىندا حالىقتىڭ كوزايىمىنا اينالدى. ناۋرىز مەيرامىندا مۇنايلى ايماقتىڭ ەتنو-مادەني بىرلەستىك مۇشەلەرى اعاش ەگىپ، جۇرتشىلىقتى بىرلىگى جاراسقان قازاقستاندى جاسىل جەلەككە اينالدىرۋعا شاقىردى. وڭىردە ءتۇرلى باعىتتا قايىرىمدىلىق شارالارى ۇيىمداستىرىلدى. ەندى «بەيبىتشىلىك پەن كەلىسىم جول كارتاسى» اكسياسىنىڭ ەستافەتاسى كورشىلەس ايماققا اتتانادى»، - دەدى راقىمبەك ءامىرجانوۆ. مۇنان سوڭ ىرىسقا باستاعان ىزگى ىستەردىڭ سيمۆولى بولعان تايقازاندى وبلىس اكىمىنىڭ ورىنباسارى ب. نۇرعازيەۆا اتىراۋ وبلىسىنىڭ دەلەگاتسياسىنا تابىستادى.
وڭىردە قازىرگى تاڭدا 20 ۇلتتىق-مادەني بىرلەستىك جۇمىس جاسايدى. بارلىعى ءبىر شاڭىراق استىنان ورىن بەرگەن قازاق ەلىن ورتاق وتانىم دەپ سانايدى. اسسامبلەيانى ۇلت بىرلىگىنىڭ باستاۋى دەپ تانيتىن ماڭعىستاۋ جۇرتى تايقازاننىڭ سول بىرلىكتى ودان ءارى قاراي نىعايتاتىنىنا سەنىمدى. سوندىقتان دا شارا اياسىن¬دا كومەككە مۇقتاج جاندارعا قولداۋ كورسەتىلىپ، ۇلتتىڭ بىرلىگى ۇلىقتالادى. ماسەلەن، جاڭاوزەن قالاسىندا مۇمكىندىگى شەكتەۋلى بالالارعا مەديتسينالىق كومەك كورسەتۋ ءۇشىن مەملەكەتتىك قىزمەتكەرلەر 1 كۇندىك جالاقىلارىن (300 مىڭ تەڭگە) تابىستاسا، تەڭگە اۋىلىندا تۇراتىن الەۋمەتتىك جاعىنان از قامتىلعان وتباسىلاردىڭ ۇيلەرىنە اسار جاساپ، جوندەۋ جۇمىستارىن جۇرگىزگەن. سونداي-اق، شارا اياسىندا ءتۇپ¬قاراعان اۋدانىن¬دا 20 از قامتىلعان وتباسىنا 10 مىڭ تەڭگەلىك سەرتيفيكات جانە 50 تىل ارداگەرىنە «شاعالا» ساۋىقتىرۋ ورنىنا تەگىن جولداما بەرىلگەن. ال، باسقۇدىق اۋىلدىق وكرۋگىندە ۇلى جەڭىستىڭ 70 جىلدىعىنا وراي «70 جىلعا - 70 تال» جانە مۇنايلى اۋدانى بويىنشا ءاربىر اۋىلدىق وكرۋگتەن 20 وتباسىنا قايىرىمدىلىق اكسيالارى ۇيىمداستىرىلعان.
ەندى ىزگى تىلەكتەرگە تولى «تايقازان» ەستافەتاسى اتىراۋدا بولىپ، ودان ءارى باتىس قازاقستان وبلىسىنا جەتكىزىلەتىن بولادى. جۇرتتى بىرلىككە شاقىرعان تايقازان ءساۋىر ايىندا وتەتىن قازاقستان حالقى اسسامبلەياسىنىڭ كەزەكتى سەسسياسىندا ەلباسىنا تاپسىرىلماق.