مۇحاممەد ءاليدى «جەڭگەن» ءبۇلدىرشىن - كەسكىن
ول يسلام ءدىنىن 1964-جىلى قابىلدادى. وعان دەيىن جۇرتشىلىققا كاسسيۋس كلەي دەگەن اتى-جونىمەن تانىلعان. ونەرگە جاقىن اكەسى ۇلىن- پوەزياعا، اناسى- سۋرەت سالۋعا يكەمدەگەن. ۇرلانعان بەلەسەبەتىن تاپقىزۋ ءۇشىن پوليتسياعا بارعان جاسوسپىرىم «ەگەر ۇرى قولىما تۇسسە، وڭدىرمايمىن» دەپ كىجىنەگەن ەكەن.
ميىعىنان كۇلگەن ءتارتىپ ساقشىسى دجو مارتين «ول ءۇشىن ساعان كوپ نارسەنى ۇيرەنۋ كەرەك» دەپ، بالاقايدى ءوزى جاتتىقتىرۋشى بوپ ىستەيتىن بوكس كلۋبىنا الىپ كەلەدى...
ءالي جۇلدىزى 1960-جىلعى ريم وليپياداسىندا جارقىراي جاندى. ونىڭ رينگتەگى ونەرى ميلليونداعان كورەرمەننىڭ كوز جاۋىن الدى. بويى 192 سانتيمەتر، سالماعى 97 كەلى الىپ بوكسشىنىڭ سونىسىنا قاراماستان شارشى الاڭدا شاپشاڭ قيمىلداي الاتىنىنا ريزا بولماعان جان قالمادى.
ءوز ءتاسىلىن «كوبەلەكشە ۇشۋ، اراشا شاعۋ» دەپ اتادى. كوپ ۇزاماي كاسىپقوي بوكسقا اۋىستى. 15 جىل بويى الەم چەمپيونىن ەشكىمگە بەرمەدى. ول 61 جەكپە-جەك وتكىزىپ، سونىڭ تەك 5 ىندە عانا جەڭىلدى. ءاليدىڭ دەنساۋلىعىنان كىنارات بايقالعان سوڭ، جاتتىعۋ بارىسىندا جۇرەك قاعىسى جيىلەپ، قان قىسىمى كوتەرىلىپ كەتەتىن، سوندا دا اۋىرىپ تۇرسا دا ءوز كاسىبىن تاستاماعان.
سونىڭ كەسىرى بولار، ورتالىق جۇيكە جۇيەسى سىر بەرىپ، پاركينسون دەرتىنە شالدىقتى. «اللا ماعان بۇل اۋرۋدى 1№ مەن ەمەس، ول ەكەنىن ۇقتىرۋ ءۇشىن جىبەردى» دەيدى ءالي. سپورتتى قويعان سوڭ، ەل نازارىنان تىس قالعان جوق؛ بۇرىننان كوزقاراسىن اشىق بىلدىرەتىن ول سول بولمىسىن ساقتاپ، قوعامداعى كوكەيكەستى ماسەلەلەرگە بايلانىستى ءوز پىكىرىن ايتىپ جۇرەدى.
بىرنەشە رەت ۇيلەنگەن ءاليدىڭ 9 پەرزەنتى بار. ىشىندەگى ەڭ اتاقتىسى- اكە جولىن قۋعان، جاراتىلىسى نازىك، جۇدىرىعى مىقتى بوكسشى، بىرنەشە چەمپيون اتاعىن العان- لەيلا ءالي.