مەملەكەتتىك ءتىلدى ەركىن مەڭگەرگەندىگىن انىقتاۋ ەمتيحانىنان باس تارتقان ق. ەسجانوۆ پەن ب. دىلماعامبەتتى تىركەۋدەن باس تارتىلدى - ق ر و س ك
قانات ەسجان ۇلى سابىروۆتىڭ ق ر پرەزيدەنتتىگىنە كانديدات تىركەۋدەن باس تارتۋ تۋرالى قاۋلى جوباسىن تانىستىرعان ق ر ورتالىق سايلاۋ كوميسسياسىنىڭ حاتشىسى باقىت مەلدەشيەۆ: « قاۋلى بويىنشا ق ر پرەزيدەنتتىگىنە كانديدات قانات سابىر ۇلى ەسجانوۆتىڭ لينگۆيستيكالىق كوميسسيا وتىرىسىندا مەملەكەتتىك ءتىلدى ەركىن مەڭگەرگەندىگىن انىقتاۋ راسىمىنەن باس تارتۋىنا بايلانىستى ونىڭ مەملەكەتتىك ءتىلدى ەركىن مەڭگەرگەندىگى انىقتالمادى. قانات سابىر ۇلى ەسجانوۆتى ق ر پرەزيدەنتتىگىنە كانديدات رەتىندە تىركەۋدەن باس تارتىلسىن»، - دەدى ب. مەلدەشيەۆ.
سونىمەن قاتار، ول لينگۆيستيكالىق كوميسسيا ەمتيحانىنان وتۋدەن باس تارتقان ءبىرجان جەتىرۋ ۇلى دىلماعامبەتتى پرەزيدەنتتىككە كانديدات رەتىندە تىركەۋدەن باس تارتۋ تۋرالى قاۋلى جوباسىن كوميسسيا مۇشەلەرىنە جاريا ەتتى.
ق ر و س ك مۇشەلەرى قاۋلى جوباسىن ءبىراۋىزدان ماقۇلدادى.
اۆتور: مارلان جيەمباي