فرانسياداعى ۇشاق اپاتىنا بايلانىستى اۋەكومپانياسىنىڭ اكسيالارى ارزاندادى
10:00, 25 - ناۋرىز 2015
استانا. قازاقپارات - كەشە فرانكفۋرت قالاسىنداعى بيرجادا «Lufthansa» اۋەكومپانياسىنىڭ اكسيالارى ءبىر قۇندى قاعاز ءۇشىن 3,04 پايىزعا دەيىن قۇلاپ، 13,25 ەۋروعا ارزاندادى، دەپ حابارلادى روسبالت.
تاڭەرتەڭ قۇندى قاعازدار 2,85 پايىزعا دەيىن قىمباتتاپ، 14,055 ەۋرو بولعان.
قۇندى قاعازدار باعاسىنىڭ قۇلدىراۋى فرانسيانىڭ وڭتۇستىك-شىعىسىندا «Germanwings» كومپانياسىنا تيەسىلى ا 320 ۇشاعىنىڭ اپاتقا ۇشىراعانى تۋرالى حابار تاراعاننان كەيىن باستالعان.
«Germanwings» - «Lufthansa» كومپانياسىنىڭ قۇرامىندا.