استانا گاز قۇبىرىنىڭ رەسەيدەن قىتايعا جەتكىزۋدىڭ بالامالى نۇسقاسىن ۇسىنىپ وتىر
رەسەيلىك- قىتايلىق گاز قۇبىرىن التاي تاۋلارى ارقىلى تىكەلەي قىتايعا وتكىزۋ جوسپارلانىپ وتىر. وتكەن جىلدىڭ جازىندا استانادا گاز قۇبىرىن قازاقستان اۋماعى، سونىڭ ىشىندە استانا قالاسى ارقىلى سالىپ، قىتايلىق شەكارادان قورعاس نەمەسە الاشانكوۋ شەكارا بەكەتىنىڭ اۋدانىندا ءوتۋ ۇسىنىسى جاسالدى.
«كوممەرسانت» باسىلىمىنىڭ مالىمەتتەرىنشە، قازىرگى كەزدە قازاقستان «گازپرومعا» گازدى قىتايعا ەكسپورتتاۋ ءۇشىن ەلدە بار ينفراقۇرىلىمدى پايدالانۋدى ۇسىنىپ وتىر. قازىرگى كەزدە «گازپروم» قازاقستاننىڭ وڭتۇستىك وبلىستارىن بۇقارا- ۋرال گاز قۇبىرى (2014 - جىلدىڭ كۇزىندە ريەۆەرستىك رەجيمدە ىسكە قوسىلدى) ارقىلى گازبەن قامتاماسىز ەتۋدە، سودان كەيىن بەيجىڭنىڭ تۇركىمەنستاننان گاز الاتىن ورتا ازيا- قىتاي ماگيسترالدى گاز قۇبىرىمەن قوسىلعان بوزوي- شىمكەنت گاز قۇبىرىنا بەرىلەدى. «گازدى وسى باعدار بويىنشا قىتايعا جەتكىزۋگە كەلەتىن بولساق، مۇنداي قىزىعۋشىلىق، ارينە، بار»، - دەپ مالىمدەدى گازەتكە «قازمۇنايگاز» ۇ ك» ا ق باسقارماسىنىڭ ءتوراعاسى ساۋات مىڭبايەۆ.
بۇقارا- ۋرال ريەۆەرستىك رەجيمىندەگى گاز قۇبىرىن پايدالانۋ بويىنشا «گازپروم» - نان گازەتكە مۇنداي كەستەنىڭ قازاقستانعا وزبەك گازىنىڭ يمپورتىن تومەندەتۋگە مۇمكىندىك بەرەتىنىن مالىمدەدى.
«تەوريادا، بەينەۋ- بوزوي- شىمكەنت» گاز قۇبىرى سالىنىپ بولعان كەزدە، ال قور بازاسى جەتكىلىكتى بولعان جاعدايدا، قازاقستان وڭتۇستىك وبلىستارىن ءوزى قامتاماسىز ەتە الادى»، - دەپ اتاپ ءوتتى باسىلىمدا.