كوشەدە سمارتفون ۇستاعانىڭىز ءۇشىن ايىپپۇل تولەيسىز
12:49, 24 - ناۋرىز 2015
استانا. قازاقپارات - گەرمانيانىڭ جاياۋ جۇرگىنشىلەر قاۋىمداستىعى كوشەدە كەلە جاتقاندا سمارتفون پايدالاناتىن تۇرعىندارعا ايىپپۇل جۇيەسىن ەنگىزۋدى ۇسىنىپ وتىر.
«ويتكەنى اتالعان اپپاراتتاردى قولدانۋ كوشەدە قايعىلى وقيعالارعا تۇرتكى بولادى»، - دەپ حابارلايدى Euromag.
جاياۋ جۇرگىنشىلەردىڭ ۇلتتىق قاۋىمداستىعى (FUSS) كولىك رۋلىندە كەلە جاتىپ، تەلەفونمەن سويلەسكەن جۇرگىزۋشىلەرگە ايىپپۇل سالعان ەدى. ەندى كولىك قوزعالىسى ءجيى كەزىگەتىن كوشەدە قۇلاققاپ كيىپ، قولىنداعى سمارتفونعا قاراپ بارا جاتقان ادامداردى توقتاتىپ، حاتتاما تولتىرۋ قاجەتتىگىن ايتۋدا.
www.khabar.kz