ءسانقويلار ءۇشىن ءتۇر-ءتۇسى ولاردىڭ كوڭىل-كۇيىنە وراي وزگەرەتىن سمارت-تۋفلي ساتىلىمعا شىعادى

استانا. قازاقپارات - ليتۆالىق iShuu Technologies كومپانياسى Volvorii Timeless اتتى «اقىلدى» اياق كيىمدى ويلاپ تاپتى، ونىڭ ەرەكشەلىگى - تۋفلي ءوز يەسىنىڭ كوڭىل-كۇيىنە وراي ءتۇر-ءتۇسىن وزگەرتىپ وتىرادى، دەپ حابارلايدى بەلتا.

 Volvorii Timeless ۇلگىسىندەگى اياق كيىم اق-قارا تۇستە تىگىلگەن. ونىڭ بەتكى قاباتى ەلەكتروندى سيا تەحنولوگياسى بويىنشا جاسالعان. سونىڭ كومەگىمەن سمارتفون ارقىلى تۋفليگە ءتۇرلى ويۋ-ورنەكتى تاڭداۋعا بولادى. تۋفليدى سمارتفونعا «قوسۋ» ءۇشىن Bluetooth بايلانىسى پايدالانىلادى. اياق كيىمنىڭ تابانىنا ونىڭ قورەك كوزى بولىپ تابىلاتىن سىمسىز مودۋل ورناتىلعان، ونىڭ باتارەياسىنىڭ قۋاتى بىرنەشە كۇنگە جەتەدى.

قۇنى 150-500$ دوللار ارالىعىندا بولادى دەپ كۇتىلىپ وتىرعان جاڭا سيپاتتاعى اياق كيىم ساتىلىمعا 2015-جىلدىڭ جەلتوقسان ايىندا تۇسەدى.