يران پرەزيدەنتىنىڭ اناسى دۇنيەدەن ءوتتى
09:40, 23 - ناۋرىز 2015
استانا. قازاقپارات - يران پرەزيدەنتى حاسان روۋحانيدىڭ اناسى ساكينە پەيۆاندي 90 جاسقا قاراعان شاعىندا دۇنيەدەن ءوتتى.
بۇل تۋرالى Press TV تەلەكومپانياسى حابارلادى.
يران ەلىنىڭ باسشىسىنىڭ اناسى ۇزاق ۋاقىت بويى اۋىرعاننان كەيىن قايتىس بولعان.
قايعىلى حابارعا بايلانىستى ا ق ش- تىڭ مەملەكەتتىك حاتشىسى دجون كەرري جانە وسى ەلدىڭ ەنەرگەتيكا ءمينيسترى ەرنەست مونيس يراننىڭ يادرولىق باعدارلاماسى بويىنشا لوزاننادا ءوتىپ جاتقان كەلىسسوزدەر كەزىندە حاسان روۋحانيدىڭ تۋعان اعاسى ءارى كەڭەسشىسى، كەلىسسوزدەردەگى يراندىق دەلەگاتسيا مۇشەسى حوسەين فەرەيدۋنگە كوڭىل ايتتى. ول اناسىنىڭ قازاسىنا بايلانىستى شۆەتساريادان يرانعا شۇعىل ورالدى.
ساكينە پەيۆاندي ءوز قىزدارىمەن سەمنان پروۆينتسياسىندا تۇرىپ جاتقان ەدى.