بۇگىن قازاقستاننىڭ كەي جەرلەرىندە جاۋىن-شاشىن بولىپ، جەل كۇشەيدى

استانا. قازاقپارات - 23- اقپان كۇنى ەلىمىزدىڭ باسىم بولىگىندە فرونتالدى اۋا اعىمدارىنىڭ وتۋىنە بايلانىستى اۋا رايىنىڭ قۇبىلمالىلىعى بايقالادى. كەي جەرلەردە جاۋىن-شاشىن بولىپ، تۇمان تۇسەدى، كوكتايعاق، جەلدىڭ ەكپىنىنىڭ ارتۋى كۇتىلەدى. ەلدىڭ وڭتۇستىگىندە كۇن كۇركىرەيدى، دەپ حابارلايدى «قازگيدرومەت» ر م ك.

الماتى وبلىسىنىڭ كەي جەرلەرىندە كۇن كۇركىرەپ، جالاڭاشكول اۋدانىندا جەلدىڭ كۇشى 18-23 م/س دەيىن جەتەدى.

جامبىل،  قىزىلوردا وبلىستارىنىڭ كەي جەرلەرىندە تۇمان ءتۇسىپ، 15-20 م/س جەل بولادى. وڭتۇستىك قازاقستان وبلىسىندا كەي بولىكتەرىندە تۇمان ءتۇسىپ، كۇن كۇركىرەيدى، 15-20 م/س جەل سوعادى. اتىراۋ، ماڭعىستاۋ وبلىستارىندا كەي جەرلەرىندە تۇمان تۇسەدى.

شىعىس قازاقستان، قاراعاندى، اقمولا، سولتۇستىك قازاقستان، قوستاناي، باتىس قازاقستان وبلىستارىنىڭ كەي ايماقتارىندا تۇمان ءتۇسىپ، كوكتايعاق بولادى، جەلدىڭ ەكپىنى 15-23 م/س دەيىن كۇشەيەدى.