بوكس: «استانا ارلاندارى» «باكۋ فايرس»-تى باسىمدىقپەن جەڭىپ، بۇكىل الەمدىك بوكس سەرياسىندا كوش باستادى
شىمكەنت قالاسىندا وتكەن تارتىستى كەزدەسۋدى «WSB TV» سايتى ونلاين- رەجيمدە كورسەتتى.
ءبىرىنشى بولىپ الاڭعا شىققان قازاقستاندىق بوكسشى ولجاس ساتتىبايەۆ ءوز قارسىلاسى ازەربايجاندىق مۇراد رابادانوۆتى ايقىن جەڭىپ، 52 كەلى سالماقتا كىم مىقتى ەكەنىن دالەلدەپ بەردى. بۇل كەزدەسۋدىڭ قورىتىندى ەسەبى: 3:0 (50:45, 50:45, 50:45).
كەلەسى كەزەكتە 60 كەلىگە دەيىنگى سالماق بويىنشا ايگىلى البەرت سەليموۆپەن جۇدىرىقتاسقان زاكير سافيۋلين قارسىلاسىنا ەسە جىبەردى دەسەك تە، جانكۇيەرلەرىنىڭ ۇلكەن قوشەمەتىنە بولەندى. تورەشىلەر بۇل كەزدەسۋدە 0:3 (47:48, 46:49, 47:48) دەگەن ەسەپپەن سەليموۆ باسىم تۇسكەنىن كورسەتتى.
بۇدان كەيىن شارشى الاڭعا 81 كەلىگە دەيىنگى سالماقتاعى حرۆوە سەپ - ميحايل دولگوليەۆەتستىڭ جۇبى شىقتى. قازاقستاندىق جانكۇيەردىڭ ىقىلاسىنا بولەنىپ جۇرگەن حرۆوە سەپ بۇل جولى دا قارسىلاسىن قۋىپ ءجۇرىپ سابادى. بەسىنشى راۋندتا ميحايل دولگوليەۆەتستى نوكداۋنعا جىبەردى. ەسەپ: 3:0 (50:44, 50:44, 50:44).
وسى كەزدەسۋدەن كەيىن 69 كەلىگە دەيىنگى سالماقتا قاناعات مارالوۆ پەن پارۆيز باگيروۆ اراسىندا تارتىستى جەكپە-جەك ءوتتى. بەس راۋنداعى ناتيجە بويىنشا 2:1 (46:49, 49:46, 48:47) ەسەبىمەن قاناعات جەڭىسكە جەتتى.
ال اسا اۋىر (91 كەلى) سالماق بويىنشا شارشى الاڭعا شىققان فيليپپ حرگوۆيچ پەن گادجي مۇرتازاليەۆ اراسىنداعى كەزدەسۋ بار بولعانى ءبىر راۋندقا سوزىلدى. تەحنيكالىق نوكداۋنمەن جەڭگەن فيليپپ حرگوۆيچ ۇلىستىڭ ۇلى كۇنى قارساڭىندا وتكەن كەزدەسۋدىڭ نۇكتەسىن قويدى.
ايتا كەتۋ كەرەك، ازەربايجان ەلىندە وتكەن كەزدەسۋدە دە 3:2 ەسەبىمەن «استانا ارلاندارى» باسىم تۇسكەن بولاتىن.
ءسويتىپ، وسى ماۋسىمدا ون كەزدەسۋدىڭ ونىن دا جەڭىسپەن اياقتاعان «استانا ارلاندارى» كلۋبى بۇكىل الەمدىك بوكس سەرياسىنىڭ (WSB) «ب» توبىندا كوش باستاپ كەلەدى.
كەشەگى بوكس كەشىنىڭ جازىلىپ الىنعان نۇسقاسىن «حابار» تەلەارناسى كەشە ساعات 22:30-دا كورسەتتى.
اۆتور: ايدىن بايمەن