الەمدەگى ەڭ كورىكسىز ايەل ءوزى جايلى دەرەكتى فيلم ءتۇسىردى
تۋىلعاننان سالماق جەتپەۋشىلىكپەن سىرقات ليززي ۆەلاسكەس، «باتىر جۇرەك: ليززي ۆەلاسكەستىڭ وقيعاسى» اتتى فيلم ءتۇسىردى، دەپ جازادى People Magazine.
«الەمدەگى ەڭ ۇسقىنسىز ادام» دەپ تانىلعان 26 جاستاعى ايەل ءوزىنىڭ باستان كەشىرگەن قيىندىقتارى تۋرالى فيلمىمەن كوپشىلىكتىڭ ىقىلاسىنا بولەندى.
فيلمنىڭ تەحاستاعى كورسەتىلىمىنە سانسىز كورەرمەندەر اعىلعان. كورەرمەندەر اراسىندا ليززيدىڭ قۇربىلارى دا بولعان. ولار فيلمنىڭ ۆيدەوسىن YouTube جەلىسىنە سالىپتى.
دارىگەرلەردىڭ ايتۋىنشا، 26 جاستاعى ليززيدىڭ ەمگە بەرىلمەيتىن بۇل سىرقاتى الەمدە وتە سيرەك كەزدەسەدى. جەر جۇزىندە ونداي جاندار بار-جوعى ۇشەۋ ەكەن.
ۆەلاسكەس ءوزى سياقتى ەرەكشە ادامداردىڭ قوعاممەن قابىلدانباۋىنا قارسى كامپانيا ۇيىمداستىرعان. ونىڭ فيلمى ايەلگە جاناشىر جاندار قايىرىمدىلىققا بەرگەن 215 مىڭ دوللار قاراجاتىنا ءتۇسىرىلدى.
ليزي ۆەلاسكەس، سونىمەن قاتار، قوعامدا قيىندىقتارعا تاپ بولعاندارعا ارنالعان 3 پسيحولوگيالىق كىتاپتىڭ اۆتورى.
بۇعان دەيىن ليززيدىڭ ودان ءارى ازىپ كەتپەس ءۇشىن ءار 15 مينۋت سايىن تاماقتاناتىنى ايتىلعان بولاتىن.