بەلگيادا تارازدىق ەت جايمالارى سۇرانىسقا يە

استانا. قازاقپارات - قازاقتىڭ ءداستۇرلى ەت تاعامىن ەندى بەلگيالىقتار دا ازىرلەي الادى. قازاقستاندا جاسالعان جايمالار بريۋسسەلدەگى دۇكەندەردىڭ سورەلەرىنە شىعارىلدى. تارازدىق «ارزۋ» كومپانياسىنىڭ ونىمدەرىنە بۇل ەلدە دە سۇرانىس بار.

تەك باس تاعامعا ساي ەت اسساڭىز، ءدامى ءتىل ۇيىرەر ۇلتتىق تاعام ءاپ-ساتتە دايىن بولادى. «جايمالارعا سۇرانىس جوعارى دەيدى»، - بەلگيالىق ساتۋشىلار. اسىرەسە قازاقستان، وزبەكستان، قىرعىزستان مەن تاتارستان ەلدەرىنىڭ وكىلدەرى ىزدەپ ءجۇرىپ الاتىن كورىنەدى.

ەلەنا تسيمبالوۆا، Frech Med دۇكەنىنىڭ مەنەدجەرى: - ورىستار دا بۇل ءونىمدى ۇنەمى ساتىپ الادى. ويتكەنى كەيبىرى قازاقستاندا تۇرعان نەمەسە سول جاقتان دوستارى كوپ. ءونىم بىزگە ديستريبيۋتورلار ارقىلى جەتەدى. ەۋروپادا جايمالار وندىرىلمەيدى.

مارينا سوكولوۆا، بريۋسسەل قالاسىنىڭ تۇرعىنى: - دوستارىمىزدىڭ ۇيىندە قوناقتا بولعاندا ۇلتتىق تاعىمنىڭ ءدامىن كوردىم. ماعان قاتتى ۇنادى. قازىر جايمالاردى ساتىپ الىپ، ءوزىم جاسايتىن بولدىم. قامىرى وتە ءدامدى، جۇقا، ءبىر-بىرىنە جابىسپايدى. ۇيدەگىلەر ءسۇيسىنىپ جەيدى.

www.24.kz