ەلباسى بارشا قازاقستاندىقتاردى ناۋرىز مەيرامىمەن قۇتتىقتادى
«قۇرمەتتى قاۋىم، قازاقستاندىقتار، وتانداستار بارشالارىڭىزدى ءاز ناۋرىز مەيرامىمەن شىن جۇرەكتەن قۇتتىقتايمىن. ءبىزدىڭ بۇل مەرەكەمىز - اتا بابامىزدان كەلە جاتقان ۇلكەن مەرەكە. كوپ مەملەكەتتەر بۇل كۇندى جاڭا جىل دەپ سانايدى. ءبىزدىڭ تاريحىمىزدا بىرنەشە ءجۇز جىلدان بۇرىن اتاپ، كوكتەمنىڭ العاشقى كۇنىندە اعايىندار ءبىر-بىرىمەن قاۋىشىپ، تۋىسقاندار ءبىرىن-ءبىرى قىستان شىعىپ كورىپ، بارلىق ورىن العان جامانشىلىقتاردى كەشىرىپ، ءبىرى-بىرىنە كومەكتەسىپ، ناۋرىز كوجە ۇلەستىرىپ جاتاتىن. ءبىز ەلىمىزدىڭ اق تىلەكپەن، بىرلىكپەن تاۋەلسىزدىگىن ورناتتىق. قازاقستاندى دۇنيە جۇزىنە بەلگىلى مەملەكەت جاسادىق. قانداي قيىن-قىستاۋ زامان بولسا دا بىرگە بولىپ، بىرلىگىمىزدەن اجىراماي العا باسىپ كەلە جاتىرمىز. ەلىمىز كوركەيدى، ەل ورداسى - حالىقتىڭ، مەملەكەتتىڭ جۇرەگى - بۇكىل دۇنيە جۇزىنە بەلگىلى بولدى»، - دەدى ەلباسى.
مەملەكەت باسشىسى ەلىمىزدىڭ بولاشاقتاعى باعدارىنىڭ دا بەلگىلى ەكەندىگىن اتاپ ءوتتى. بۇل رەتتە 2050-جىلعا دەيىن ءوسىپ-وركەندەگەن وتىز دامىعان ەلدىڭ اراسىنا كىرۋگە، «نۇرلى جول» باعدارلاماسىن ورىنداۋ، پاتەر سالىپ، حالىقتىڭ دەنساۋلىعىن نىعايتۋعا، ءوندىرىس پەن اۋىل شارۋاشىلىعىن، مادەنيەت پەن حالىق اعارتۋ جۇمىستارىنىڭ بارلىعىنا مەملەكەت جۇمىس جاساپ جاتىر.
«وسىنىڭ بارلىعىن ەلدىڭ بىرلىگى، سەنىمى وتە قاجەت. سوندىقتان وسى جولدان تايماي، وسى ساياساتىمىزدى جۇرگىزەتىن بولساق، قازاقستان بولاشاقتا مۇنان دا كوركەيىپ، حالدىقتىڭ جاعدايى بۇدان دا زور بولادى. تابىستى بولايىق، امان بولايىق. ناۋرىز قۋانىش، باقىت بەرەكە الىپ كەلسىن!»، - دەدى ن. نازاربايەۆ.