گەرمانيانىڭ شاعىن جانە ورتا بيزنەسى قازاقستانعا قىزىعۋشىلىق تانىتۋدا

فرانكفۋرت-نا-ماينە. قازاقپارات - قازاقستانعا گەرمانيانىڭ شاعىن جانە ورتا بيزنەسى تاراپىنىڭ قىزىعۋشىلىق تانىتۋى قازاقستان رەسپۋبليكاسىندا شەتەل ينۆەستورلارى ءۇشىن قولايلى جاعداي جاسالعاندىعىن كورسەتەدى.

بۇل تۋرالى فرانكفۋرت-نا-ماينە قالاسىندا Deutsche Bank كەڭسەسىندە وتكەن قازاقستاننىڭ يندۋستريالدىق-يننوۆاتسيالىق دامۋىنىڭ 2015-2019- جىلدارىنا ارنالعان مەملەكەتتىك باعدارلاماسىن تانىستىرۋعا ارنالعان شارالار اياسىندا ق ر ينۆەستيتسيا جانە دامۋ ۆيتسە-ءمينيسترى البەرت راۋ مالىمدەدى.

«ءبىزدىڭ مينيسترلىك ق ر- دىڭ بۇرىنعى ازاماتتارىمەن كەزدەسۋ وتكىزۋگە باستاماشىلىق ەتتى، ولار گەرمانياعا كەلىپ، ءوز بيزنەستەرىن دامىتقان. ءبىز ولاردى قازاقستاندا بيزنەس ءۇشىن قانداي جاعداي جاسالعانىن، ەلدىڭ بەلسەندى دامىپ جاتقانى جايلى ايتۋ ءۇشىن جينادىق»، - دەدى البەرت راۋ.

ونىڭ ايتۋىنشا قازاقستاننىڭ يندۋستريالدىق-يننوۆاتسيالىق دامۋىنىڭ 2015-2019- جىلدارىنا ارنالعان مەملەكەتتىك باعدارلاماسىنىڭ تانىستىرىلىمى گەرمانيا بيزنەسمەندەرىنىڭ قىزىعۋشىلىعىن وياتتى.

«ءبىزدى قازاقستاندا ءىرى گەرماندىق «Siemens», «Knauf», «HeidelbergCement» جانە «Bosch» كومپانيالارى عانا ەمەس، سونىمەن بىرگە شاعىن جانە ورتا بيزنەس وكىلدەرى دە جۇمىستارىن باستاپ جاتقانى قۋانتادى، - دەپ اتاپ ءوتتى ينۆەستيتسيا جانە دامۋ ۆيتسە-ءمينيسترى.