تۇرىك اسكەري قىزمەتشىلەرى قارۋ-جاراق جانە اسكەري تەحنيكالاردىڭ باستى تۇرلەرىمەن، بريگادا ينفراقۇرىلىمى مەن جەكە قۇرامنىڭ تۇرمىسىمەن جەتە تانىستى. تەكسەرۋ بارىسىندا تۇركيالىق ينسپەكتورلار قازاقستان ۆەنا شارتىنىڭ تالاپتارىن تولىقتاي ورىندايتىنىن مويىندادى.
شەتەل ينسپەكتورلارى قازاقستاندىق اسكەري قىزمەتشىلەردىڭ كاسىبي بىلىكتىلىكتەرى مەن جاۋىنگەرلىك داعدىلارىن جوعارى باعالادى.
شەتەلدىك ينسپەكتورلار توبىن ق ر ق م قارۋ-جاراقتى باقىلاۋ جانە ينسپەكتسيالاۋدى قامتاماسىز ەتۋ جونىندەگى ورتالىقتىڭ وفيتسەرلەرى الىپ ءجۇرىپ، تانىستىردى.
ەستەرىڭىزگە سالا كەتسەك، اعىمداعى جىلدىڭ اقپان ايىندا ق ر قورعانىس مينيسترلىگىنىڭ وكىلدەرى گەرمانيا تەرريتورياسىندا ورنالاسقان بولىمدەردىڭ اسكەري قىزمەتىن تەكسەرۋ بويىنشا ءىس-شارالار وتكىزگەن بولاتىن.
تەكسەرۋدىڭ ماقساتى - اتالعان ايماقتاردا (بەرگەن، مۋنستەر- نورد جانە مۋنستەر- زيۋد پوليگوندارىندا) الدىن-الا حابارلاۋعا جاتاتىن اسكەري ءىس-قيمىلدىڭ بار نەمەسە جوقتىعىن تەكسەرۋ.