قازاقستان، رەسەي جانە بەلارۋس پرەزيدەنتتەرى نازاربايەۆ ورتالىعىندا بولدى

استانا. قازاقپارات - قازاقستان، رەسەي جانە بەلارۋس پرەزيدەنتتەرى نازاربايەۆ ورتالىعىندا بولدى. بۇل تۋرالى اقوردانىڭ باسپا ءسوز قىزمەتىنەن حابارلادى.

مەملەكەت باسشىلارى مۇندا «الەمدى وزگەرتەتىن يدەيالار» ينتەراكتيۆتى اعارتۋشىلىق ورتالىعىنىڭ جۇمىسىمەن تانىستى.

استانا قالاسىنىڭ مەكتەپ وقۋشىلارى مەن جوعارى وقۋ ورىندارىنىڭ ستۋدەنتتەرى ءۇش ەلدىڭ كوشباسشىلارىنا قازاقستان حالقى اسسامبلەياسى جانە «بولاشاق» حالىقارالىق ستيپەندياسى سياقتى بىرەگەي جوبالار تۋرالى، سونداي-اق رەسپۋبليكانىڭ ستراتەگيالىق دامۋ باعدارلامالارى جونىندە ايتىپ بەردى.

سونىمەن قاتار، ۆلاديمير پۋتين مەن الەكساندر لۋكاشەنكوعا ەكى بولىكتەن تۇراتىن ەلەكتروندىق كىتاپحانا تانىستىرىلىپ، وقىرمان بيلەتتەرى تابىس ەتىلدى.