قارا تىزىمدەگىلەر تەندەرگە قاتىسا المايدى - باسپا سوزگە شولۋ
***
سونىمەن، بۇگىن «ەگەمەن قازاقستان» باسىلىمىندا جاريالانعان «ءداۋىر دراماسى» اتتى ماقالادا «قازاق فيلم» كينوستۋدياسىنىڭ حالقىمىزدىڭ باستان كەشكەن تاۋقىمەتتەرىن بەينەلەيتىن جاڭا كارتينا جايىندا بولىپ وتىر. «ەلىمىزدە ۇلى جەڭىستىڭ 70 جىلدىق مەرەيتويىنا ارنالعان «اناعا ورالۋ» («دوروگا ك ماتەري») اتتى تولىق مەتراجدى فيلم تۇسىرىلۋدە.
اتالمىش كارتينانى راشيد سۇلەيمەنوۆتىڭ جاقىندا عانا تۇساۋى كەسىلگەن «ورالۋ» فيلمىمەن شاتاستىرماۋ كەرەك. اقپارات ايدىنىنداعى ارىپتەستەرىمىز كەڭ اۋقىمدى تاريحي- شىتىرمان وقيعالى فيلمنىڭ باستاپقى اتاۋىن «انا جۇرەگى» دەپ تە اۋدارىپ ءجۇر.
رەجيسسەر اقان ساتايەۆتىڭ ءتۇسىرۋ جۇمىستارىن باستاپ كەتكەنىنە اي بولدى. ءتۇسىرۋ توبى كەشە الماتىداعى قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىندە «اناعا ورالۋ» فيلمىنىڭ ءتۇسىرۋ جۇمىستارى باستالۋىنا بايلانىستى العاشقى باسپا ءسوز ءماسليحاتىن وتكىزدى.
وسىدان كەيىن جۋرناليستەر فيلمنىڭ باس پروديۋسەرى ءاليا نازاربايەۆانىڭ قاتىسۋىمەن ش. ايمانوۆ اتىنداعى «قازاق فيلم» كينوستۋدياسىندا بولىپ، دەكوراتسيالىق كورىنىستەردى تاماشالاپ، اكتەرلەردەن سۇحبات الدى»، - دەلىنگەن ماقالادا.
قازاقستان پرەزيدەنتى ەلىمىزگە جۇمىس ساپارىمەن كەلگەن بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن كەزدەستى، دەپ حابارلايدى «ەگەمەن قازاقستان». كەزدەسۋ بارىسىندا مەملەكەتتەر باسشىلارى ساۋدا- ەكونوميكا، ينۆەستيتسيا، ونەركاسىپ جانە اۋىل شارۋاشىلىعى سالالارىنداعى ىنتىماقتاستىقتى قامتيتىن قازاقستان- بەلارۋس قارىم- قاتىناسىنىڭ نەگىزگى ماسەلەلەرىن تالقىلادى. سونداي- اق نۇرسۇلتان نازاربايەۆ پەن الەكساندر لۋكاشەنكو حالىقارالىق كۇن تارتىبىندەگى وزەكتى جايتتار جونىندە پىكىر الماستى.
قازاقستان پرەزيدەنتى ەكىجاقتى ىنتىماقتاستىق اياسىندا ەلدەرىمىز قول جەتكىزگەن بارلىق ۋاعدالاستىقتار تابىستى ورىندالىپ جاتقانىن اتاپ ءوتتى. وسىعان بايلانىستى مەملەكەت باسشىسى ەكى ەلدىڭ كوپتەگەن بىرلەسكەن كاسىپورىندارى جۇمىس جۇرگىزىپ جاتقانىنا نازار اۋدارا كەلىپ، بۇل ءىستىڭ الداعى ۋاقىتتا دا جالعاساتىنىن ايتتى. نۇرسۇلتان نازاربايەۆ سونداي-اق بەلارۋس پرەزيدەنتىنىڭ ۋكراينا داعدارىسىن رەتتەۋ ىسىندەگى ۇلەسىنە توقتالىپ ءوتتى. - ورىن الىپ وتىرعان تايتالاستىڭ ەشكىمگە پايدا بەرمەيتىنى جونىندەگى ءبىزدىڭ ۇستانىمدارىمىز تولىعىمەن ۇندەسەدى، - دەدى مەملەكەت باسشىسى.
***
ەندى دەپۋتاتتار ەلباسىنىڭ «نۇر وتان» سەزىندە جاريالاعان بەس ينستيتۋتسيونالدىق رەفورماسىن جۇزەگە اسىرۋعا اتسالىسۋعا جۇمىلادى. بۇل تۋرالى قاسىم- جومارت توقايەۆتىڭ توراعالىعىمەن وتكەن سەناتتىڭ كەشەگى جالپى وتىرىسىندا حابارلاندى، دەپ جازادى «ايقىن» گازەتى «بەس رەفورمانى جۇزەگە اسىرۋعا جۇمىلۋ كەرەك» اتتى ماقالادا.
«ەلباسىنىڭ ۋاقىت تالابىمەن ۇندەسكەن بۇل باستامالارى ەلىمىزدىڭ بۇگىنگى قول جەتكىزگەن جەتىستىكتەرى مەن ىشكى ساياسي كەلىسىمى نەگىزىندە قازاقستان قوعامىن ودان ءارى ەكونوميكالىق جانە ساياسي جاڭعىرتۋدىڭ جاڭا بەلەستەرىنە جول باستاپ، مەملەكەتتىڭ تۇراقتىلىعى مەن باياندى بولاشاعىن نىعايتا تۇسەدى»، - دەدى قاسىم-جومارت كەمەل ۇلى.
جوعارعى پالاتا ءتوراعاسىنىڭ بايلامىنشا، «شىن مانىندە، ستراتەگيالىق ماڭىزعا يە 5 ينستيتۋتسيونالدىق رەفورما» سايىپ كەلگەندە، بۇگىنگى كۇردەلى الەمدەگى قازاقستاننىڭ ەكونوميكالىق ورلەۋىن قامتاماسىز ەتۋدى جانە دەموكراتيالىق قۇندىلىقتاردى ودان ءارى ىلگەرىلەتۋدى كوزدەيدى».
كەزەڭ- كەزەڭمەن جۇزەگە اسىرىلاتىن كەشەندى شارالار «زامان تالابىنا ساي مەملەكەتتىك اپپاراتتى قالىپتاستىرۋ، زاڭ ۇستەمدىگى مەن سوت ادىلدىگىن قامتاماسىز ەتۋ، يندۋستريالاندىرۋ مەن ەكونوميكانى ءارتاراپتاندىرۋ ارقىلى بولاشاعى ءبىرتۇتاس ۇلتتى، اشىق جانە ەسەپ بەرۋشى مەملەكەت قۇرۋدى كوزدەيتىن اسا ماڭىزدى ماسەلەلەردى قامتىپ وتىر».
«ايقىن» باسىلىمىنىڭ بۇگىنگى سانىندا «قارا تىزىمدەگىلەر» تەندەرگە قاتىسا المايدى» اتتى ماقالا جارىققا شىقتى.
وندا حابارلانعانىنداي، مەملەكەتتىك ساتىپ الۋدا بولسىن، ۇلتتىق كومپانيالار وتكىزەتىن ساتىپ الۋدا بولسىن، جەڭىمپاز اتانىپ، كورسەتكەن قىزمەتى مەن اتقاراتىن جۇمىسىنا سالعىرت قاراعان، ساتىپ الۋشى تاپسىرىسى بويىنشا وندىرگەن ءونىمىنىڭ ساپاسى سىن كوتەرمەيتىن كاسىپكەرلىك سۋبەكتىسى «جاۋاپسىز جەتكىزۋشىلەر رەەسترىنە» ەنگىزىلەدى.
«مۇنى ساتىپ الۋ وتكىزەتىن مەكەمەنىڭ «قارا ءتىزىمى» دەۋگە بولادى. بۇل رەەسترگە ەنگەن كومپانيا ءبىراز جىل ساتىپ الۋ نارىعىنا كىرە المايدى. ياعني ول ءۇشىن تەندەر وتكىزەتىن مەكەمەلەردىڭ ەسىگى تارس جابىلادى. وكىنىشكە قاراي، سوڭعى ۋاقىتتا «سامۇرىق- قازىنا» ۇلتتىق ءال- اۋقات قورىنىڭ ساتىپ الۋلارىنا قاتىسقان وتاندىق وندىرۋشىلەر اراسىندا الگى «قارا تىزىمگە» ەنگەندەر سانى كوبەيىپ بارادى ەكەن. بۇل تۋرالى «سامۇرىق- قازىنا» قورىنىڭ ورتالىق كوممۋنيكاتسيالار قىزمەتىندە وتكىزگەن باسپا ءسوز ءماسليحاتىندا ايتىلدى. جىل باسىنان بەرى عانا 170 تەن استام كاسىپكەرلىك سۋبەكتىسى قوردىڭ «جاۋاپسىز جەتكىزۋشىلەر رەەسترىنەن» ورىن الىپتى»، - دەلىنگەن ماقالادا.
***
قازاقستاننىڭ ءوز لەونيد گايدايى پايدا بولدى، دەپ حابارلايدى رەسمي تىلدە جارىققا شىعاتىن «ەكسپرەسس ك» گازەتى.
«قازاقستاننىڭ جاڭا «سۆادبا نا ترويح» كومەدياسى كاسسالىق رەكوردتاردى ورناتۋدا. پروكاتتىڭ ءبىرىنشى اپتاسىندا ول 450 مىڭ دوللار ءتۇسىرىپ ۇلگەردى. كورەرمەندەردىڭ كۇلكىسى فيلم بىتكەنشە تىيىلمايدى. بۇل لەنتا وتاندىق كومەديالاردىڭ التىن قورىنا ەنەتىنى انىق، ال رەجيسسەر اسقار بيسەمبين قازاقستاندىق لەونيد گايداي اتانادى»، - دەپ جازادى ماقالا اۆتورى.
اۆتور: جاسۇلان جولدىبايەۆ