جاپپاي وقۋعا تاڭداپ الىنعان «كوشپەندىلەر» رومانىن ناسيحاتتاۋ شاراسى ءوتتى
بيىل جاپپاي وقۋعا جازۋشى ءىلياس ەسەنبەرليننىڭ «كوشپەندىلەر» رومانى تاڭداپ الىندى. روماننىڭ قازاق، ورىس جانە اعىلشىن تىلىندەگى نۇسقالارىنا قازاقستاندىق ۇلتتىق ەلەكتروندى كىتاپحانا پورتالىندا www.kazneb.kz مەكەنجايى بويىنشا قول جەتكىزۋگە بولادى.
الەۋمەتتىك- مادەني اكسيانىڭ ماقساتى - قازاق ادەبيەتىن ناسيحاتتاۋ، تاريحي- مادەني جانە رۋحاني مۇرامىزدى ساقتاۋ، جاستاردى وتانشىلدىققا ءارى ونەگەلىلىككە تاربيەلەۋ، سونداي-اق وقىرمانداردى وقۋعا، كىتاپحاناعا تارتۋ.
بۇل كۇنى اتباسار قالاسىنداعى ءى. ەسەنبەرلين اتىنداعى ادەبيەت مۇراجايىنان جەتكىزىلگەن قالامگەر قۇجاتتارى مەن جەكە بۇيىمدارىنىڭ كورمەسى، «قازاقتى تاريحىمەن قاۋىشتىرعان قالامگەر" تاقىرىبىنداعى كىتاپ كورمەسى، جانسىز مۇسىندەر كورمەسى (حان، بۇركىتشى، باتىر)، «جۇكتەپ ال دا، وقى!» ينستاللياتسياسى («QR-code reader» ارقىلى تەلەفون نەمەسە پلانشەتتەن «كوشپەندىلەر» رومانىن جۇكتەۋ مۇمكىندىگى) ۇيىمداستىرىلدى.
بۇدان بولەك، روماندا كورىنىس العان وقيعالارعا قاتىستى قازاق حالقىنىڭ سالت- ءداستۇرىن سيپاتتايتىن «كوشپەندىلەر مادەنيەتى» ەتنو- اۋىلى، كىتاپ مازمۇنى بويىنشا اقپاراتتىق ساعات، «بىلگەنگە مارجان» ساۋالناماسى، سونىمەن قاتار «ءى. ەسەنبەرلين ءومىرى مەن شىعارماشىلىعى» بويىنشا ءدارىس (دارىسكەر - تاريح عىلىمدارىنىڭ كانديداتى، دوتسەنت امانگەلدى قاشقىمبايەۆ («مىرزاتاي جولداسبەكوۆتىڭ مەموريالدى كىتاپ توپتاماسى» زالى، 3-قابات) ءوتتى.
ۇلتتىق اكادەميالىق كىتاپحاناداعى اكسيا اياسىندا «كوشپەندىلەر» رومانى بويىنشا ۇزدىك ادەبي شىعارما، ۇزدىك كوركەمسۋرەت جانە «وقۋ - بۇل ءساندى» تاقىرىبىمەن فوتوبايقاۋ ۇيىمداستىرىلادى. بايقاۋلار جىل اياعىندا قورىتىندىلانادى.
سونداي- اق قازاقستان رەسپۋبليكاسى مادەنيەت جانە سپورت مينيسترلىگى وكىلدەرىنىڭ، بەلگىلى تاريحشى- عالىمدار - بولات كومەكوۆتىڭ، تۇرسىن جۇرتبايدىڭ جانە باسقا دا تۇلعالاردىڭ قاتىسۋىمەن بريفينگ، جازۋشى ءى. ەسەنبەرليننىڭ نەمەرەسى ماعجان ەسەنبەرلينمەن ونلاين- كەزدەسۋ بولدى.
باعدارلاما «كوشپەندىلەر» كوركەم فيلمىمەن جالعاستى.