بۇل سايلاۋدا ن. نازاربايەۆقا لايىقتى باسەكەلەستەر بار - و س ك مۇشەسى م. سارسەنبايەۆ
بۇل پىكىردى بۇگىن ق ر ورتالىق سايلاۋ كوميسسياسىنىڭ مۇشەسى مارات سارسەنبايەۆ ءبىلدىردى.
«مەن ەلباسىنا لايىقتى باسەكەلەستەر جوق، دەگەن پىكىرمەن كەلىسپەيمىن. ماسەلەن، 2011 -جىلى ەلباسى ن. نازاربايەۆتان باسقا ع. قاسىموۆ، قازاقستاننىڭ كوممۋنيستىك حالىق پارتياسىنىڭ حاتشىسى ج. احمەتبەكوۆ سىندى لايىقتى باسەكەلەستەر بولدى. مەنىڭ ويىمشا، ءدال وسى 2 ازامات سول سايلاۋدا ەلباسىعا لايىقتى قارسىلاس بولا الدى»، - دەدى ول ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، بيىلعى ساياسي ناۋقاندا دا ق ر پرەزيدەنتىنە لايىقتى باسەكەلەستەر بار.
«وزدەرىڭىزدە بىلەتىندەي، نۇرسۇلتان ءابىش ۇلى نازاربايەۆتان باسقا تاعى 2 ادام كانديدات رەتىندە تىركەۋدەن ءوتىپ وتىر. ولار: قازاقستاننىڭ كوممۋنيستىك حالىق پارتياسىنىڭ وكىلى تۇرعىن ىسقاق ۇلى سىزدىقوۆ پەن قازاقستاننىڭ كاسىپوداقتار فەدەراتسياسىنىڭ ءتوراعاسى ءابىلعازى قالياقپار ۇلى قۇسايىنوۆ. وسى ەكى ازامات رەسمي تۇردە تىركەۋدەن ءوتتى. ولار لايىقتى كانديدات دەپ سانايمىن»، - دەدى م. سارسەنبايەۆ.
اۆتور: مارلان جيەمباي