استانادا «قازاق ارۋى» انىقتالدى - فوتو
كامشات قوسكەلوۆا ەۋرازيا ۇلتتىق ۋنيۆەرسيتەتىنىڭ ەكونوميكا فاكۋلتەتىندە 4-كۋرستا وقيدى. قازىلار بارلىق اتالىمدا وعان جوعارى باعا قويدى. الدىمەن، ءسان شەرۋىندە اتاقتى ديزاينەردىڭ كويلەگىن تانىستىردى.
ءوز ونەرىن كورسەتۋ كەزەڭىندە «نايمان انا» مونولوگىن وقىپ، كورەرمەننىڭ ىستىق ىقىلاسىنا بولەندى. قازاقتىڭ سالت-داستۇرلەرىنە قاتىستى سۇراقتارعا ەش مۇدىرمەستەن جاۋاپ بەردى. وسىلايشا، التىن ءتاج يەگەرى اتاندى.
ءبىرىنشى ورىندى وڭتۇستىكتىڭ قىزى جاينا تۇراتبەكوۆا جەڭىپ الدى. ال اقتوبەلىك ءاليا ءاشىم ەكىنشى ورىن يەگەرى اتاندى. ال «استانا» ءانىن شىرقاپ، كورەرمەندەردى بيلەتكەن البينا ءسالىموۆا ءۇشىنشى ورىندى قاناعات تۇتتى.
ايتا كەتەيىك، اقتىق سىندا قازاقستاننىڭ 25 قالاسىنان 26 بويجەتكەن باق سىناعان بولاتىن. ولاردىڭ ەكەۋى 10 سىنىپ وقۋشىلارى. ەڭ ۇلكەنىنىڭ جاسى 22 دە. «قازاق ارۋى» بايقاۋىنىڭ تولىق نۇسقاسىن «حابار» تەلەارناسىنان 22- ناۋرىز كۇنى ساعات 17:50 دە كورە الاسىزدار.