سولتۇستىك قازاقستانعا قىتاي ينۆەستورلارى كەلدى
«BCEG كومپانياسىنىڭ 50 كاسىپورنى، ولاردىڭ اراسىندا جوبالاۋ ينستيتۋتى مەن قۇرىلىس اكادەمياسى دا بار. چجۋ سيدىڭ ايتۋىنشا، ولاردىڭ كومپانياسى قۇرىلىس يندۋسترياسى سالاسىنداعى ءىرى كاسىپورىن»، - دەلىنگەن حابارلامادا.
ەرىك سۇلتانوۆ س ق و باتىس پەن شىعىستى قوساتىن، ەۋروپاعا، ورتاازيالىق ەلدەر مەن قىتايعا شىعاتىن ماڭىزدى كولىك جولدارىنىڭ قيىلىسىندا ۇتىمدى ورنالاسقانىن، سونداي-اق رەسەي فەدەراتسياسىنىڭ ومبى، تۇمەن جانە قورعان وبلىستارىمەن شەكتەسەتىنىن اتاپ ءوتتى.
قىتاي كومپانياسىنىڭ وكىلى جوباعا ينۆەستيتسيا سالىپ، قاجەتتى جابدىقتاردى جەتكىزۋدى قامتاماسىز ەتۋدى جوسپارلاپ وتىرعانىن جەتكىزدى.
ءوڭىر باسشىسى ءتيىستى ۆەدومستۆولاردىڭ باسشىلارىنا قىتايلىق كومپانيانىڭ قاتىسۋىمەن سولتۇستىك قازاقستان وبلىسى اۋماعىندا كولىكتىك-لوگيستيكالىق ورتالىق اشۋ مۇمكىندىكتەرىن قاراۋدى تاپسىردى.