ەلوردادا جۇمىسشى ماماندىقتارعا سۇرانىس جوعارى - ە. امانشايەۆ
اكىم ورىنباسارىنىڭ ايتۋىنشا، ەلوردا تۇرعىندارىنىڭ ) نەمەسە 218 مىڭنان استامى - 14-29 جاس ارالىعىنداعى جاستار.
قۇرىلىمدىق جوسپار بويىنشا جاستار ساياساتى سالاسىندا بىرنەشە باسىم باعىتتار بويىنشا جۇمىسستار جۇرگىزىلۋدە. سونىڭ ىشىندە كاسىپتىك باعدارلاۋ جانە جۇمىسپەن قامتۋعا كومەكتەسۋ، قۇقىق بۇزۋشىلىقتىڭ الدىن الۋ، جاستاردىڭ دەمالىسى، ۆولونتەرلىك قوزعالىستى دامىتۋ، جاستار دەنساۋلىعى ورتالىعى، اقپاراتتىق-ناسيحاتتاۋ جۇمىستارى.
- تۇلەكتەردى جۇمىسپەن قامتۋ - ەلوردالىق جاستار اراسىنداعى وزەكتى ماسەلە. باسەكەلەستىك ورتانى ەسكەرە وتىرىپ، ينجەنەر-مەحانيك، ەلەكتريك، مونتاجداۋشى، سانتەحنيك، سلەسار، سونىمەن قاتار، دەنساۋلىق ساقتاۋ، ءبىلىم، قىزمەت كورسەتۋ جانە ت. ب. سالالارداعى قاجەتتى مامانداردىڭ سانىن كوبەيتۋ كەرەك. بۇل تۇرعىدان العاندا، «سەسنا-استىق» كونسەرنى» ا ق، «تۇلپار-تالگو» ج ش س، «سەلينگيدروماش و ك» كومپانياسى، «ستالتسينك» زاۋىتى سىندى قالالىق ونەركاسىپتىك كاسىپورىندارمەن بىرلەسە وتىرىپ، جاستاردى كاسىپتىك باعدارلاۋ، جوعارعى سىنىپ وقۋشىلارىنىڭ اراسىندا جۇمىسشى ماماندىقتاردى كەڭىنەن ناسيحاتتاۋ بويىنشا جۇمىستار جۇرگىزىلۋدە، - دەدى ەرمەك امانشايەۆ.
ول سونداي-اق جوعارىدا اتالعان شارالاردىڭ قورىتىندىسى بويىنشا قاجەتتى ماماندىقتارعا تۇسۋشىلەر سانى ءوسىپ، 3 مىڭعا جۋىق ادامدى قۇراعانىن اتاپ ءوتتى.
جاستاردىڭ دەمالىسىن ۇيىمداستىرۋ ءۇشىن قالادا 25 اۋلا كلۋبى جۇمىس ىستەيدى. ال ۋاقتىلى كاسىبي مەديتسينالىق كومەك كورسەتۋ ءۇشىن سالاۋاتتى ءومىر سالتىن ناسيحاتتايتىن 10 جاستار دەنساۋلىق ورتالىعى بار. دەگەنمەن، دەپۋتاتتار جاستاردىڭ بوس ۋاقىتىن وتكىزۋگە ارنالعان تۇرعىلىقتى مەكەن-جايلارى بويىنشا ورنالاسقان ارنايى عيماراتتاردىڭ ازدىعىنا توقتالدى.
قۇقىق بۇزۋشىلىقتاردىڭ الدىن الۋ ماقساتىندا ەلوردادا قوعامدىق ءتارتىپتى قاداعالايتىن ارنايى جاساقتار قۇرىلدى. وتكەن جىلى قوعامدىق ءتارتىپتى قورعاۋ ماقساتىندا ۇيىمداستىرىلعان 15 رەيدتىك شاراعا قۇقىق قورعاۋ ورگاندارى قىزمەتكەرلەرىمەن بىرگە جوعارى وقۋ ورىندارىنىڭ 150 ستۋدەنتى قاتىسقان.
ەلوردالىق جاستاردى قالا ءۇشىن الەۋمەتتىك ماڭىزدى جوبالارعا قاتىسۋعا دايىنداۋ ماقساتىندا «كوماندا-2017» ۆولونتەرلىك قوزعالىسى دامىپ كەلەدى، وندا جاستار كوماندادا جۇمىس ىستەۋ داعدىلارىن ۇيرەنىپ، ەكسپو تاريحىمەن تانىسادى.
سەسسيا بارىسىندا حالىق قالاۋلىلارى جاستاردىڭ الەۋمەتتىك جەلىنى بەلسەندى تۇردە پايدالاناتىنىنا توقتالىپ، اتالمىش جەلىلەر ەكسترەميستىك ماقساتتاردا قولدانىلۋى مۇمكىن ەكەندىگىن باسا ايتتى.
سەسسيا سوڭىندا دەپۋتاتتار ەلوردادا جاستار ساياساتىن ءتيىمدى جۇزەگە اسىرۋ بويىنشا ءبىرقاتار كەڭەس بەردى.