مەملەكەت باسشىسى: كۋۆەيت مەملەكەتىمەن قارىم-قاتىناس جۇيەلى دامىپ كەلەدى
«كۋۆەيت مەملەكەتىمەن قارىم-قاتىناستىڭ جۇيەلى دامىپ كەلە جاتقانىن اتاپ ايتقىم كەلەدى. بىلتىر كۋۆەيتتە قازاقستان ەلشىلىگى، ال بيىل استانادا كۋۆەيت ەلشىلىگى اشىلدى. بۇل ديپلوماتيالىق ميسسيالار ساياسي، ساۋدا-ەكونوميكالىق قارىم-قاتىناستى نىعايتۋعا زور اسەرىن تيگىزەدى دەپ سەنەمىن. بۇل ورايدا، جوعارى دەڭگەيدەگى ساپارلاردىڭ ماڭىزى زور ەكەنى انىق»، - دەدى ەلباسى.
ايتا كەتەيىك، بۇگىن اقوردادا ق ر پرەزيدەنتى نۇرسۇلتان نازاربايەۆ قازاقستانداعى ءبىرقاتار ەلدەردىڭ ەلشىلەرىنەن سەنىم گراموتالارىن قابىلدادى.
اتاپ ايتقاندا، سەنىم گراموتالارىن كۋۆەيتتىڭ توتەنشە جانە وكىلەتتى ەلشىسى تارەك ابدۋللا ءال- فارادج، ا ق ش ەلشىسى دجوردج البەرت كرول، پاكىستان ەلشىسى ابدۋل ساليك حان، بولگاريا ەلشىسى ۆاسيل پەتكوۆ، سونداي-اق، ساۋد ارابياسىنىڭ توتەنشە جانە وكىلەتتى ەلشىسى گۋرم بەن سايد ءال-ميلحان تاپسىردى.
اۆتور: رۋسلان عابباسوۆ