بۇگىن ا ق ش- تىڭ لوس- اندجەلەس قالاسىندا قازاق ەلىنىڭ سىرالعى ساڭلاعى گەننادي گولوۆكين مەن 28 جاستاعى امەريكالىق بىلعارى قولعاپ شەبەرلەرى كىشى ۆيللي مونرو جەكپە- جەگىنە ارنالعان ءبىرىنشى رەسمي باسپا ءسوز جيىنى ءوتتى. بۇل جيىنعا ەكى بوكسشى دا قاتىسىپ، ءبىرىنشى رەت بەتپە- بەت كەزدەستى.
جيىن كەزىندە ەكى بوكسشىنىڭ دا پروموۋتەرلەرى بۇل كەزدەسۋدى قالاي ۇيىمداستىرعانىن ايتسا، باپكەرلەر تالىمگەرلەرىنىڭ دايىندىقتارى تۋرالى اڭگىمەلەپ، قارسىلاستاردىڭ دەڭگەيىن تىلگە تيەك ەتتى. ال، بوكسشىلار بولسا جيىن سوڭىندا ايقاس تۋرالى ءوز پىكىرىن ورتاعا سالىپ، كەيىن بىرىمەن كوز اتىسىپ، سۋرەتكە ءتۇستى.