قازاق ايەل پولشا پرەزيدەنتتىگىنە كانديدات بولىپ تىركەلدى
09:54, 18 - ناۋرىز 2015
استانا. قازاقپارات - پولشادا تۇراتىن ەتنيكالىق قازاق ايەل، «ەۋروپاداعى قازاق وپپوزيتسياسىنىڭ بەلسەندىسى» دەپ سيپاتتالاتىن باللي ماجەتس پولشا پرەزيدەنتتىگىنە كانديدات بولىپ تىركەلدى.
پولشا ورتالىق سايلاۋ كوميسسياسىنىڭ حابارلاۋىنشا، باللي ماجەتس پرەزيدەنتتىككە 24-ۇمىتكەر بولىپ 16 - ناۋرىزدا تىركەلگەن.
باللي ماجەتس - بىرنەشە جىل بۇرىن قازاقستاننان پولشاعا كەتىپ، سول ەلدە تۇراقتاپ قالعان قوعامدىق بەلسەندى. باللي ماجەتس شەت ەلدەردە وتەتىن قازاقستانعا قاتىستى حالىقارالىق جيىندارعا بارىپ، ساياسي رەجيمدى سىناپ ءسوز سويلەپ تۇرادى.
پولشادا پرەزيدەنت سايلاۋى 10 - مامىردا وتەدى.
«ازاتتىق»