يتاليادا جەمقورلىققا قاتىستى جانجال شىقتى

استانا. قازاقپارات - يتاليانىڭ فلورەنتسيا قالاسىندا جەمقورلىققا قاتىستى ءىرى جانجال شىقتى. تۋرين- ليون جوعارعى جىلدامدىقپەن جۇرەتىن تاسجولىنىڭ قۇرىلىسىنا بولىنگەن قارجىنى جىمقىردى دەگەن كۇدىكپەن 4 ادام قاماۋعا الىندى.

تاعى 50 گە جۋىعى تەرگەلىپ جاتىر. پوليتسەيلەردىڭ ايتۋىنشا، ماسەلە 25 ميلليون ەۋرو جايىندا.

ايىپتالۋشىلار اراسىندا كولىك جانە ينفراقۇرىلىم مينيسترلىگىنىڭ بۇرىنعى شەنەۋنىگى ەركولە ينكالتسا بار. اتالعان ماگيستارلدىڭ قۇرىلىسى 2014-2015 - جىلدارعا جوسپارلانعانىمەن، كەيىنگە شەگەرىلىپ كەلگەن بولاتىن. جوباعا 220 ميلليارد ەۋرو جۇمسالادى دەپ باعالانعان.

www.24.kz