استانا وپەرا ساحناسىندا بىرەگەي كامەرالىق دۋەت ونەر كورسەتەدى - فوتو
«قازاقستاننىڭ التىن ۆيولونچەلى» اتانعان ەرمەك قۇرمانايەۆ پەن الەمگە تانىمال پيانينوشى ارمان تىلەۋبەرگەنوۆ دۋەت قۇرىپ، وزدەرىنىڭ استاناداعى كونسەرتتەرىن وتكىزەدى.
مۋزىكانتتاردىڭ شەبەرلىگىنە ءتۇرلى جىلدارى فرانسيا، يتاليا، المانيا، رەسەي، تۇركيا، ۆەنگريا، چەحيا، اۆستريا، يسپانيا جانە پورتۋگاليا ەلدەرىندە كورەرمەن تاراپىنان جوعارى باعا بەرىلدى. اتالعان ورىنداۋشىلاردىڭ قاتىسۋىمەن وتكەن كونسەرتتەر «Mezzo» (فرانسيا) جانە «كۋلتۋرا» (رەسەي) سياقتى الەمنىڭ ۇزدىك تەلەارنالارى، سونىمەن قاتار وتاندىق - «حابار»، «قازاقستان»، «ءبىلىم جانە مادەنيەت»، «Сaspionet» ارنالارى ارقىلى كورسەتىلدى، دەپ حابارلايدى «استانا وپەرا» تەاترىنىڭ باسپا ءسوز قىزمەتى.
جىل باسى - ناۋرىز مەرەكەسى قارساڭىندا مۋزىكانتتار ەلوردا تۇرعىندارى مەن قوناقتارىنا ي. س. باح، ف. شۋبەرت جانە ر. شۋماننىڭ شىعارمالارىنان ۇسىنىلاتىن تاماشا باعدارلاما ازىرلەپ وتىر.