ناۋرىز مەيرامى كۇندەرى قوسىمشا پويىزدار قاتىنايدى

استانا. قازاقپارات - مەرەكە قارساڭىندا جانە مەرەكە كۇندەرى جولاۋشىلار تاسىمالىنا سۇرانىستىڭ ارتۋىنا بايلانىستى 19 - ناۋرىزدان باستاپ قوسىمشا پويىزدار تاعايىندالادى، دەپ حابارلايدى BNews.kz.

«سۇرانىستىڭ ارتۋىنا بايلانىستى «جولاۋشىلار تاسىمالى» ا ق كەلەسى باعىتتار بويىنشا قوسىمشا پويىزدار تاعايىندالاتىنى تۋرالى حابارلايدى: №153/154 استانا -  قوستاناي باعىتىنداعى پويىز استانادان 20 - ناۋرىز كۇنى، قوستانايدان 21 - ناۋرىزدا اتتانادى؛ №61/62 الماتى- ارىس-1, الماتىدان 19 - ناۋرىزدا، ارىس-1-دەن 20 - ناۋرىز كۇنى جۇرەدى؛ №151/152 الماتى- كوكشەتاۋ، الماتىدان 21 - ناۋرىزدا، ال كوكشەتاۋدان 23 - ناۋرىز كۇنى اتتانادى؛ №156/155 قاراعاندى- جەزقازعان؛ قاراعاندىدان 20 مەن 24 - ناۋرىز كۇندەرى، ال جەزقازعاننان 21 مەن 25 - ناۋرىزدا شىعادى»، - دەپ مالىمدەدى «جولاۋشىلار تاسىمالى» ا ق باسپا ءسوز قىزمەتىنەن.