اقىلى اۆتوجولدار ماسەلەسىندە سول وڭىردەگى حالىقتىڭ تولەم قابىلەتى دە ەسكەرىلۋى كەرەك - س. نۇرعيسايەۆ
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە پارلامەنت ءماجىلىسىنىڭ دەپۋتاتى سەرىكباي نۇرعيسايەۆ ءمالىم ەتتى.
«جالپى، اۆتوجولدار ماسەلەسىندە حالىقتىڭ تولەمگە قابىلەتتىلىگىن دە ەسكەرۋ كەرەك. ماسەلەن، بۇگىنگى تاڭدا كوكشەتاۋ مەن وڭتۇستىك قازاقستان وبلىسى بويىنشا ورتاشا جالاقى دەڭگەيى مەن باتىس وڭىرلەرىنىڭ تولەمگە قابىلەتتىلىگىن سالىستىرۋعا كەلمەيدى. بۇل رەتتە اۆتوجولدارعا اقىلى جۇيەنى ەنگىزۋ نەگىزىنەن ولارداعى كولىكتەر اعىنىنا دا قاتىستى بولۋى ءتيىس سەكىلدى»، - دەدى ءماجىلىس دەپۋتاتى.
ونىڭ ايتۋىنا قاراعاندا، قازىرگى تاڭدا استانا- كوكشەتاۋ باعىتىنداعى اۆتوبان ترانزيتتىك ەمەس، ال رەسەيگە باراتىن اۆتوجولداردىڭ باسىم بولىگى ترانزيتتىك بولىپ تابىلادى. سوندىقتان دا، ولارعا باعانى كوتەرۋگە مۇمكىندىك بار. «دەگەنمەن، بارلىعىن ۋاقىت كورسەتەدى، قازىر بۇل ماسەلە تالقىلانىپ جاتىر»، - دەدى بريفينگ بارىسىندا دەپۋتات س. نۇرعيسايەۆ.
ەسكە سالا كەتەيىك، قازاقستاندا اقىلى اۆتوجولدار العاش رەت 2013 - جىلى «استانا- شورتاندى» باعىتىندا ەنگىزىلگەن بولاتىن. ال جوسپار بويىنشا «الماتى- قاپشاعاي» اۆتوبانى 2017 - جىلعا تامان اقىلى بولادى.
اۆتور: قانات مامەتقازى ۇلى