حاسەن قوجا-احمەت مەملەكەتتىك ءتىلدى ەركىن مەڭگەرگەن - لينگۆيستيكالىق كوميسسيا

استانا. قازاقپارات - ق ر پرەزيدەنتتىگىنە ۇمىتكەر رەتىندە تىركەلگەن حاسەن قوجا-احمەت مەملەكەتتىك ءتىلدى ەركىن مەڭگەرگەن.

«حاسەن كارىمجان ۇلى قوجا-احمەت مىرزانىڭ مەملەكەتتىك تىلدەن تاپسىرعان ەمتيحانىنىڭ ناتيجەسىن جاريالايىق دەپ وتىرمىز. وزدەرىڭىز بىلەتىندەي، ءداستۇرلى ءۇش سۇراق بولدى. ءبىرىنشى، جازبا جۇمىسىندا «كونستيتۋتسيا - تۇراقتى دامۋ كەپىلى» تاقىرىبىندا شىعارما جازدى. حاسەن كارىبجان ۇلى ونى جاقسى، ساۋاتتى جازدى دەپ ايتا الامىز.

4 قاتە كەتكەن ەكەن. 1 ەۋ ەملە، 1 ەۋى ستيلدىك، 2 ەۋى تىنىس بەلگىسىنەن. ءبىز جاقسى باعالاپ وتىرمىز»، - دەدى ق ر پرەزيدەنتتىگىنە كانديداتتاردىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيا ءتوراعاسى مىرزاتاي جولداسبەكوۆ.

ەكىنشى سىناقتا ۇمىتكەر ءى. ەسەنبەرليننىڭ پروزاسىنان ءۇزىندىنى مانەرلەپ وقىپ، كوميسسيا مۇشەلەرىنىڭ كوڭىلىنەن شىققان.

«ءۇشىنشى سۇراق - «قازاق مەملەكەتتىگىنىڭ باستاۋلارى». كەيىنگى كەزدە حاسەن كارىپجان ۇلى تاريحپەن دە تەرەڭ شۇعىلدانىپ ءجۇر. بىرنەشە كىتاپ جازدى. بۇل تاقىرىپقا دا جاۋاپ جاقسى بولدى. سوندىقتان، لينگۆيستيكالىق كوميسسيانىڭ شەشىمى - حاسەن كارىمجان ۇلى قوجا-احمەت مەملەكەتتىك ءتىلدى ەركىن مەڭگەرگەن»، - دەدى م. جولداسبەكوۆ.

اۆتور: مارلان جيەمباي