قازاقستان مەن اۆستريا دەنساۋلىق ساقتاۋ سالاسىنداعى ىنتىماقتاستىقتى دامىتپاق
قازاقستان جاعىنان جۇمىس توبىنىڭ تەڭ ءتوراعاسى، ق ر دەنساۋلىق ساقتاۋ جانە الەۋمەتتىك دامۋ ءبىرىنشى ۆيتسە-ءمينيسترى ساليدات قايىربەكوۆا جۇمىس توبىنىڭ الدىڭعى وتىرىسىندا ۇسىنىلعان جوبالار جايلى حاباردار ەتتى. اتاپ ايتقاندا، مەملەكەتتىك-جەكەمەنشىك سەرىكتەستىك تەتىگى قولدانىلاتىن جوبالاردى ىسكە اسىرۋ جانە قازاقستاندا ەلەكتروندىق دەنساۋلىق ساقتاۋ جۇيەسىن ەنگىزۋ جايىن اڭگىمەلەدى.
سونىمەن قاتار س. قايىربەكوۆا قازاقستاندا بۇگىنگى تاڭدا مەديتسينالىق تۋريزمدى دامىتۋعا ەرەكشە كوڭىل ءبولىنىپ وتىرعانىنا توقتالىپ، اۆستريالىق تاراپتى اتالعان سالادا تىعىز ىنتىماقتاستىق ورناتۋعا شاقىردى. وعان قوسا، جيىنعا قاتىسۋشىلار ەۋرازيالىق ەكونوميكالىق وداقتىڭ قۇرىلۋىنا بايلانىستى دارىلىك قۇرالدار جانە مەديتسينالىق ماقساتتاعى بۇيىمدار نارىعىندا مۇمكىندىكتەر كەڭەيە تۇسكەنىنە نازار اۋداردى.
اۆستريا جاعىنان جۇمىس توبىنىڭ تەڭ ءتوراعاسى، اۆستريا رەسپۋبليكاسىنىڭ كولىك، يننوۆاتسيالار جانە تەحنولوگيالار ۆيتسە-ءمينيسترى اندرەاس رايحاردت دەنساۋلىق ساقتاۋ سالاسىنداعى ىنتىماقتاستىقتى دامىتۋعا تۇراقتى قىزىعۋشىلىق بار ەكەنىن راستاپ، بىرلەسكەن جوبالاردى ىسكە اسىرۋ ءۇشىن اۆستريالىق سەرىكتەستەردى ىزدەستىرۋدە ءارى قاراي قولداۋ كورسەتىلەتىنىن ايتتى.
تاراپتار ەكىجاقتى جوبالاردى تابىستى ىسكە اسىرۋ ماقساتىندا جۇمىس توبى اياسىندا جاڭا جوبالار تۋرالى بەلسەندى اقپارات الماسۋعا كەلىستى.
جيىندا اۆستريالىق كومپانيالاردىڭ وكىلدەرى نىسانداردى باسقارۋ، اۋرۋحانالاردى جوبالاۋ جانە جەتەكشىلىك ەتۋ، جاڭا تەحنولوگيالاردىڭ ترانسفەرتى سياقتى سالالاردا ىنتاماقتاستىققا قىزىعۋشىلىق ءبىلدىردى. سونداي-اق دەنساۋلىق ساقتاۋ سالاسىنداعى اقپاراتتىق جانە ەلەكتروندىق تەحنولوگيالار، كەشەندى مەديتسينالىق شەشىمدەر سالاسىندا بىرلەسىپ جۇمىس ىستەۋگە مۇددەلىك تانىتتى.
جيىن قورىتىندىسىندا تاراپتار دەنساۋلىق ساقتاۋ سالاسىنداعى ىنتىماقتاستىق جونىندەگى قازاقستاندىق-اۆستريالىق جۇمىس توبىنىڭ كەلەسى وتىرىسىن 2016-جىلى اۆستريادا وتكىزۋگە كەلىستى.